ធនាគារ ព្រីនស៍ ម.ក បានបោះទុនវិនិយោគបន្ថែម 35លានដុល្លារ លើសញ្ញាបណ្ណមានបុគ្គលធានា របស់អាកាសយានដ្ឋានអន្តរជាតិតេជោ (TIA)

ភ្នំពេញ៖ ធនាគារ ព្រីនស៍ ម.ក បានដាក់ទុនវិនិយោគបន្ថែមចំនួន 35លានដុល្លារ សរុបចំនួន 50លានដុល្លារ លើសញ្ញាបណ្ណមានបុគ្គលធានារបស់អាកាសយានដ្ឋានអន្តរជាតិតេជោ (TIA)។ ធនាគារ ព្រីនស៍ ពិតជាមានកិត្តិយសដែលបានចូលរួមជាផ្នែកមួយនៃការអភិវឌ្ឍន៍ហេដ្ឋារចនាសម្ព័ន្ធដឹកជញ្ជូនដ៏សំខាន់នេះ ដែលនឹងផ្តល់ផលប្រយោជន៍ដល់ព្រះរាជាណាចក្រកម្ពុជាក្នុងប៉ុន្មានទសវត្សរ៍ខាងមុខនេះ។ ធនាគារ ព្រីនស៍ គឺជាក្រុមហ៊ុនដាក់ទុនវិនិយោគលើសញ្ញាបណ្ណមានបុគ្គលធានាTIA ដំបូងគេបង្អស់ ហើយបច្ចុប្បន្នក៏ជាអ្នកដាក់ទុនវិនិយោគធំជាងគេផងដែរ។​

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រួមគ្នាជាមួយក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) និងក្រុមហ៊ុនសាជីវកម្មវិនិយោគក្រៅប្រទេសកម្ពុជា (OCIC) ពិធីចុះហត្ថលេខាមួយនេះត្រូវបានធ្វើឡើ ងសម្រាប់ការដាក់ទុនវិនិយោគបន្ថែមចំនួន 35 លានដុល្លារលើកិច្ចព្រមព្រៀងសញ្ញាបណ្ណមានបុគ្គលធានា។ ពិធីចុះហត្ថលេខានេះ មានការអញ្ជើញចូលរួមជាសាក្សី ពីសំណាក់ អ្នកឧកញ៉ា បណ្ឌិត ពុង ឃាវសែ អគ្គនាយកក្រុមហ៊ុន OCIC & ក្រុមហ៊ុន CAIC និង អ្នកឧកញ៉ា ចេន ហ្ស៊ី ប្រធានក្រុមប្រឹក្សាភិបាលនៃធនាគារ ព្រីនស៍។ កិច្ច​ព្រម​ព្រៀង​នេះ​ត្រូវ​បាន​ចុះ​ហត្ថលេខា​ដោយ លោក ហ៊ន់​ សុរចនា ​ប្រធាន​នាយក​ប្រតិបត្តិ និងអភិបាល​គ្រប់​គ្រង​នៃធនាគារ ព្រីនស៍ និង លោក វ៉ាន់ ឆារស៍ នាយកគ្រប់គ្រងនៃក្រុមហ៊ុន CAIC ព្រមទាំងមានវត្តមាននាយក និងអ្នកគ្រប់គ្រងជាន់ខ្ពស់របស់ ក្រុមហ៊ុន OCIC​ ក្រុមហ៊ុន CAIC និង ធនាគារ​ ព្រីនស៍ ផងដែរ។

សញ្ញាបណ្ណមានបុគ្គលធានារបស់អាកាសយានដ្ឋានអន្តរជាតិតេជោ ​ (TIA) គឺជាសញ្ញាបណ្ណសាជីវកម្មឯកជន ដែលចេញដោយក្រុមហ៊ុន ខេមបូឌា អ៊ែរផត អ៊ិនវេសមិន ឯ.ក (CAIC) សម្រាប់គម្រោងសាងសង់អាកាសយានដ្ឋានអន្តរជាតិតេជោ ដែលមានទីតាំងស្ថិតនៅភាគខាងត្បូងនៃរាជធានីភ្នំពេញ។

អ្នកឧកញ៉ា ចេន ហ្ស៊ី ប្រធានក្រុមប្រឹក្សាភិបាលនៃធនាគារ ព្រីនស៍​ បានមានប្រសាសន៍ថា៖

លោក ហ៊ន់ សុរចនា ​ប្រធាន​នាយក​ប្រតិបត្តិ និងអភិបាល​គ្រប់​គ្រង​នៃធនាគារ ព្រីនស៍ ក៏បានចែករំលែកផងដែរថា៖

ជាមួយនឹងមូលដ្ឋានគ្រឹះដ៏រឹងមាំ ធនាគារ ព្រីនស៍ មិនត្រឹមតែមានបំណងក្លាយជាធនាគារជម្រើសទីមួយក្នុងប្រទេសកម្ពុជាប៉ុណ្ណោះទេ យើងក៏បានធ្វើការកែលម្អ និងអភិវឌ្ឍផលិតផល ព្រមទាំងសេវាកម្មធនាគារប្រកបដោយភាពច្នៃប្រឌិត ឥតឈប់ឈរផងដែរ ដើម្បីបំពេញតម្រូវការស្របតាមប្រភេទអតិថិជនផ្សេងៗគ្នារបស់យើង។ បន្ទាប់ពីបើកប្រតិបត្តិការជាធនាគារពាណិជ្ជពេញលេញ ចាប់តាំងពីខែកក្កដា ឆ្នាំ2018 មកទល់ពេលបច្ចុប្បន្ន ទ្រព្យសកម្មសរុបរបស់ធនាគារ ព្រីនស៍ មានចំនួនជាង 800លានដុល្លារអាមេរិក ជាមួយនឹងសាខាចំនួន32 ទីតាំងម៉ាស៊ីនអេធីអឹមចំនួន79 និងអតិថិជនចំនួនជាង80,000នាក់ ដែលកំពុងបន្តកើនឡើងយ៉ាងខ្លាំងក្លា៕​

សម្រាប់ព័ត៌មានបន្ថែមអំពីផលិតផល និងសេវាកម្មរបស់ធនាគារ ព្រីនស៍ សូមចូលទៅកាន់គេហទំព័រ www.princebank.com.kh ឬទាក់ទងសេវាទំនាក់ទំនងអតិថិជនរបស់យើងតាមរយៈ 1800 20 8888។