សំណង់ នឹងមិនមានការរុះរើ ឬក៏សាងសង់ បើមិនទាន់មានលិខិតចេញពីអាជ្ញាធរ

ភ្នំពេញ​៖ ក្រសួងរៀបចំដែនដី នគរូបនីយកម្ម និងសំណង់ បានចែកចាយសេចក្តីជូនដំណឹងមួយ  អំពីស្ថាបត្យករនិងវិស្វករ ត្រូវអនុវត្តការងារសាងសង់ ឬរុះរើ លុះត្រាតែ ត្រូវមានលិខិតអនុញ្ញាតពីអាជ្ញាធរ ជាដាច់ខាត។

ជាក់ស្តែង តាមសេចក្តីថ្លែងការណ៍ បានធ្វើការ ជម្រាបជូនឯកឧត្តមអគ្គលេខាធិការនៃគណៈស្ថាបត្យករ និងឯកឧត្តមអគ្គលេខាធិការនៃគណៈវិស្វករកម្ពុជា ឲ្យបានជ្រាបថា សំណង់ ដែលមិនទាន់មានលិខិតអនុញ្ញាតពីអាជ្ញាធរមានសមត្ថកិច្ច ត្រូវបានហាមឃាត់ ស្ថាបត្យករ មិនឲ្យទទួលអនុវត្តការងារ សាង់សង់ ឬក៏រុះរើ ប៉ះពាល់សំណង់ទាំងនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទៀតសោត ក្រសួងនឹងចាត់មន្ត្រីអធិការកិច្ចសំណង់ចុះត្រួតពិនិត្យបទល្មើសតាមការដ្ឋានសំណង់ ដើម្បីចាត់វិធានការចំពោះជនល្មើសតាមផ្លូវច្បាប់ជាធរមាន បើរកឃើញមិនធ្វើតាមដូច្នេះដែរ៕

សូមទស្សនារូបភាពខាងក្រោម៖