ឃើញសាមញ្ញមែន តែមួយឈុតនេះរបស់ Yang Mi ថ្លៃម៉េះ

ចិន៖ ថ្វីត្បិតតែជាប់ឈ្មោះជាមេម៉ាយក៏ពិតមែន ប៉ុន្តែ តារាស្រី Yang Mi បានក្លាយជានារីនៅលីវសាជាថ្មី ពោរពេញដោយប្រជាប្រិយភាពយ៉ាងខ្លាំង ដែលធ្វើឲ្យតារាស្រីរូបនេះ មានតម្លៃខ្លួនថ្លៃបំផុត នៅក្នុងវិស័យសិល្បៈចិន។ 

ថ្មីៗនេះ យោងតាមទំព័រ Sohu ស្រាប់តែមានអត្ថបទមួយ ដែលកំពុងទាក់ទាញចំណាប់អារម្មណ៍អ្នកគាំទ្រជាច្រើន នោះគឺ សំលៀកបំពាក់ថ្មីរបស់ Yang Mi តែម្ដង ហើយឈុតនោះដែរគឺសុទ្ធតែមានតម្លៃថ្លៃខ្លាំង ដែលអាចបង្ហាញពីថ្នាក់តារាលំដាប់ A របស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះ នៅក្នុង​អំឡុង​ពេល​ធ្វើ​ដំណើរ​ ទៅ​កាន់​សួន​កម្សាន្ត និងបាន​ជួប​ជុំ​មិត្ត​ភក្តិ​ជិត​ស្និទ្ធ គេក្រឡេកឃើញថា តារាស្រីរូបនេះ បានតុបតែងខ្លួនដោយស្លៀកពាក់​ អាវ​ម៉ាក Celine ដែល​មាន​តម្លៃប្រមាណ ២៨០០០យ័ន (ប្រហែលជាង ៤ពាន់ដុល្លារ)។

មិនត្រឹមតែប៉ុណ្ណោះ អ្នកគាំទ្របានសង្កេតឃើញទៀតថា នៅក្នុងរូបថតមួយរបស់ Yang Mi បានបង្ហាញខ្លួន និងបានពាក់នាឡិកាប្រណីតមួយនៅលើដៃ ដែលត្រូវបានគេដឹងថា នាឡិកានេះជាកម្មសិទ្ធិរបស់ម៉ាក Rolex និងមានតម្លៃប្រមាណ ២៨៩០០០យ័ន (ប្រហែល ៤,៥ម៉ឺនដុល្លារ) ៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន