វាសនាមិនទៀង ធ្លាប់តែផូរផង់ស្អាត តែជីវិត សុនីតា ពេលនេះ.....

ភ្នំពេញ៖ នៅលើបណ្តាញសង្គម មានការភ្ញាក់ផ្អើលជាខ្លាំង នៃរូបរាងចុងក្រោយបំផុត របស់តារាចម្រៀង​ជ័យលាភីលេខ ២ ក្នុងកម្មពីធីតារាអាស៊ាន អតីតតារាចម្រៀង ប៊ូ សុនីតា ក្នុងសភាពកោរសក់ មើលទៅរន្ធត់ចិត្តខ្លាំង។

នេះបើតាមប្រភពគណនីហ្វេសប៊ុកលោក សៀក ប៊ុនណារី តំណាងអោយសប្បុរសជន​ជិតឆ្ងាយ​បានពាំនាំអំណោយមនុស្សធម៌ចំនួន ៤១១ដុល្លារ ជូនជួយដល់តារាស្រី ប៊ូ សុនីតា ដែល ត្រូវបានស្គាល់ ជាតារាចម្រៀង​ប្រឡងជាប់ជ័យលាភីលេខ ២ ក្នុងកម្មពិធី​តារាចម្រៀងអាស៊ានឆ្នាំ ២០១០។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បើតាមប្រភពដដែល បានបន្ថែមទៀតថា​ អតីតតារាស្រីរូបនេះ កំពុងមានជំងឺមហរីកមាត់ស្បូនធ្ងន់ធ្ងរ ដំណាក់ទី ៣ ត្រូវចំណាយលុយចាក់ថ្នាំគីមីរំលាយសាច់ដុំគៀស​និងទិញថ្នាំលេបប្រចាំថ្ងៃ ដែលរូបនាងជាកូនកំព្រាម្តាយតាំងពីអាយុ ៩ ឆ្នាំ នៅជាមួយឪពុកអ្នករត់សុីក្លូរ ចិញ្ចឹមរហូតសព្វថ្ងៃ ប្អូនស្រី​មានជំងឺធ្ងន់​ឪពុកក៌ឈឺធ្ងន់ អត់ទីពឹងទាំងស្រុងពិតជាគួរឲ្យសង្រេងជាពន់ពេក។​

ក្រោយពីឃើញបែបនេះ មហាជន មានការអាណិតអាសូរជាខ្លាំង ដែលមិននឹកស្មានថា រូបនាង បែរជាជួបរឿងបែបនេះ កើតមានជំងឺកំណាច ក្នុងសភាព មិនគួរឲ្យជឿ យ៉ាងណាមិញ មានតែជូនពរ ឲ្យ ប៊ូ សុនីតា នៅតែមានក្តីសង្ឃឹម តស៊ូប្រយុទ្ធជំងឺមួយនេះ រស់រាន្ត ឆ្លងផុតនៃជំងឺមួយនេះតែប៉ុណ្ណោះ៕

ប្រភព៖  សៀក ប៊ុនណារី 

សូមទស្សនារូបភាពខាងក្រោម៖

• តារាខ្មែរ