ម៉េចអត់ចាស់សោះចឹង? ៤៦ ឆ្នាំហើយ តែ Shu Qi នៅដដែល

ចិន៖ កាលពីថ្ងៃទី ១៦ ខែមេសា កន្លងទៅនេះ គឺជាថ្ងៃខួបកំណើតរបស់ តារាស្រី Shu Qi ដែលធ្វើឲ្យមានការបង្ហោះអបអរសាទរ និងការជូនពរ នៅលើបណ្ដាញសង្គមចំពោះតារាស្រីរូបនេះ ។

យ៉ាងណាមិញ នៅក្នុងនោះដែរ ក៏មានមិត្តជិតស្និទ្ធម្នាក់របស់នាង គឺលោក Chen Kun បានចូលរួមបង្ហោះ អបអរសាទរទៅដល់នាង ដោយត្រូវបានគេ​ដឹង​ថា​ ក្នុងរយៈពេល ៨ ឆ្នាំជាប់គ្នាហើយ ដែល​លោក Chen Kun បានអបអរចំពោះនាង បង្ហាញពីមិត្តភាពមិនផ្លាស់ប្ដូរ ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្វីដែលមនុស្សជាច្រើន កំពុងតែយកចិត្តទុកដាក់យ៉ាងខ្លាំងនោះគឺ រូបភាព Shu Qi ដែល លោក Chen Kun បានបង្ហោះភ្លាមៗ គឺជារូបថតដែលថតដោយខ្លួនលោកផ្ទាល់ នៅក្នុងកម្មវិធីតាំងពិព័រណ៍ផ្លែឈើ កាលពីឆ្នាំមុន។ ម៉្យាងវិញទៀត គ្រប់គ្នាបានសរសើរពីសម្រស់របស់ Shu Qi ជាមួយនឹងការតុបតែងខ្លួនបែបស្រាលៗ មុខមាត់ដ៏ស្រស់ស្អាត និងភាពវ័យក្មេងរបស់នាង ដែលមិនគួរឲ្យជឿថាពេលនោះនាងមានវ័យជាង ៤០ ឆ្នាំទៅហើយ៕  

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាចិន