វីរុសកូវីដ-១៩ មិនត្រឹមតែប៉ះពាល់ដល់សួតនោះទេ ប៉ុន្តែវាក៏បង្កហានិភ័យដល់កោសិកាខួរក្បាលដូចគ្នា។ ការសិក្សាមួយបានបង្ហាញថា ការឆ្លងមេរោគកូវីដ-១៩ អាចបង្រួញកោសិកាខួរក្បាលដែលនាំឲ្យមានការខូចខាតធ្ងន់ធ្ងរដល់កោសិកា ហើយរោគសញ្ញាមួយដែលកើតឡើងជាទូទៅចំពោះអ្នកជាសះស្បើយពីវីរុសកូវីដគឺបញ្ហាភ្លេចភ្លាំងច្រើន។
វីរុសកូវីដ-១៩ចូលទៅខួរក្បាលដោយរបៀបណា?
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកជំនាញបានឲ្យដឹងថា វីរុសកូវីដ-១៩ចូលទៅក្នុងខួរក្បាលតាមរនាំងឈាម-ខួរក្បាល ។ រនាំងនេះត្រូវបានបង្កើតឡើងដោយសរសៃឈាមបិទជិត ដែលមានតួនាទីការពារខួរក្បាល។ ក្រោយចូលទៅក្នុងខួរក្បាល ពពួកSpike protein នៅក្នុងវីរុស បានតោងជាប់នៅសរសៃឈាម និងចម្លងទៅក្នុងកោសិកាខួរក្បាល ហើយក្រោយមក វាក៏បានឆ្លងចូលទៅក្នុងខួរក្បាល។
រោគសញ្ញាវីរុសកូវីដ-១៩ បានចូលទៅកាន់ខួរក្បាល
ប្រហែល២០%នៃអ្នកដែលកើតវីរុសកូវីដ-១៩ វិវត្តទៅជាការបាត់បង់ការចងចាំរយៈពេលខ្លី ពិបាកផ្ចង់អារម្មណ៍ និងអស់កម្លាំងជាដើម។
ទន្ទឹមនឹងនេះដែរ អ្នកជំងឺមួយចំនួនទៀត បានរាយការណ៍ពីផលប៉ះពាល់ធ្ងន់ធ្ងរទាក់ទងនឹងខួរក្បាល ដែលបង្កឡើងដោយវីរុសកូវីដ-១៩។ អ្នកជំនាញជឿថា នេះជាលទ្ធផលនៃអ្នកដែលមានរោគសញ្ញាកូវីដ-១៩ ធ្ងន់ធ្ងរ ឬបណ្ដាលមកពីមានអុកស៊ីហ្សែនទាបនៅរយៈពេលយូរ។ រោគសញ្ញាអាចរួមមាន៖
- ច្របូកច្របល់
- បាត់បង់ក្លិន និងរសជាតិ
- ឈឺក្បាល
- ពិបាកផ្ដោតអារម្មណ៍
- ឥរិយាបថប្រែប្រួល
- ប្រកាច់
- បាត់បង់ស្មារតី
- គ្រោះថ្នាក់សរសៃឈាមខួរក្បាល។
អាហារសម្រាប់សុខភាពខួរក្បាល
ដើម្បីជួយឲ្យខួរក្បាលមានសុខភាពល្អឡើងវិញ ក្រោយជាសះស្បើយពីកូវីដ-១៩ គ្នាយើងគួរតែបង្កើនការញ៉ាំអាស៊ីដខ្លាញ់អូមេហ្គា៣ និងពពួកត្រីសាម៉ុន ត្រីសាឌីននៅក្នុងរបបអាហារ។ បន្ថែមពីនេះ យើងចាំបាច់ត្រូវបញ្ចូលអាហារដែលមានអាស៊ីដAlpha-lipoic មានដូចជាសាច់ក្រហម ស្ពៃពួយឡេង និងខាត់ណាខៀវ។ ដូចគ្នានេះដែរ យើងក៏អាចបង្កើនការញ៉ាំស៊ុត គ្រាប់ផ្លែឈើ សណ្ដែក និងគ្រាប់ធញ្ញជាតិទើបជាការប្រសើរ។
ចំណុចសំខាន់
ដើម្បីជួយឲ្យខួរក្បាលមានសុខភាពល្អឡើងវិញ ក្រោយជាសះស្បើយពីកូវីដ-១៩ គ្នាយើងគួរតែបង្កើនការញ៉ាំអាស៊ីដខ្លាញ់អូមេហ្គា៣ និងពពួកត្រីសាម៉ុន ត្រីសាឌីននៅក្នុងរបបអាហារ។ បន្ថែមពីនេះ យើងចាំបាច់ត្រូវបញ្ចូលអាហារដែលមានអាស៊ីដAlpha-lipoic មានដូចជាសាច់ក្រហម ស្ពៃពួយឡេង និងខាត់ណាខៀវ។ ដូចគ្នានេះដែរ យើងក៏អាចបង្កើនការញ៉ាំស៊ុត គ្រាប់ផ្លែឈើ សណ្ដែក និងគ្រាប់ផ្លែឈើ ទើបជាការប្រសើរ។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
