មិននឹកស្មានថា រយៈជិត ១០ ឆ្នាំ​ កូនស្រី Tom Cruise បែរជាបែបនេះ

បរទេស៖ អាចនិយាយបានថា Suri Cruise ដែលជាកូនស្រីរបស់ តារាសម្ដែង លោក Tom Cruise បានទទួលនូវភាពអស្ចារ្យពីឪពុករបស់ខ្លួន ដែលតែងតែត្រូវបានមនុស្សជាច្រើន តាមដានជាប្រចាំពី មិនថាជាសកម្មភាពប្រចាំថ្ងៃ ឬជារូបសម្រស់ដ៏ទាក់ទាញរបស់កូនស្រីតារាប្រុសរូបនេះ។ 

យ៉ាងណាមិញ ក្នុងរយៈពេល ជិត១០ឆ្នាំ ក្រោយការលែងលះរបស់ឪពុកម្តាយនាង Suri Cruise កាន់តែមានភាពឯកជនជាងមុន ប៉ុន្តែនៅតែអាចធ្វើឱ្យអ្នកនិយមលេងអ៊ីនធឺណិតចាប់អារម្មណ៍មិនផ្លាស់ប្ដូរឡើយទៅលើការបង្ហាញខ្លួនម្ដងៗរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត គ្រប់គ្នាបែរជាបានកត់សម្គាល់ថា បច្ចុប្បន្ននេះ Suri លែង​តុបតែងខ្លួន ស្លៀក​សម្លៀក​បំពាក់​ម៉ាក​ប្រណីត​ទៀតហើយ ផ្ទុយទៅវិញ នាងបែរជាស្លៀកពាក់​សាមញ្ញ ដែលមានភាពងាយ​ស្រួលទៅវិញ។ លើសពីនេះ ថែមទាំងមានការលើកឡើងថា Suri បានប្រែក្លាយពីកូនអ្នកមាន ទៅជាមនុស្សស្រីធម្មតា ដូចជាមិត្តភ័ក្តិដទៃទៀតរបស់ខ្លួន ទៀតផង។

តែទោះជាយ៉ាងណាក៏ដោយ ស្របពេលដែលបានបង្ហាញខ្លួនជាបន្តបន្ទាប់របស់ Suri នាងក៏នៅតែអាចបញ្ចេញនូវមន្តស្នេហ៍ សម្រស់ដ៏ទាក់ទាញ ស្ទើរតែដូចជាតារាលំដាប់A ដោយសារតែ ភាពពេញវ័យ និងស្រស់ស្អាត ដែលនាងទទួលបានពីឪពុកម្ដាយយ៉ាងពេញលេញ៕ 

ប្រភព៖ Kenh14

សូមទស្សនារូបភាពខាងក្រោម៖ 

• តារាអន្តរជាតិ