អ្នកណាមានបំណងទៅលេងថៃ? ពេលនេះថៃបើកព្រំប្រទល់ អាចធ្វើដំណើរតាមផ្លូវគោកបាន ក្រោមលក្ខខណ្ឌមួយចំនួន

ថៃ៖ នៅ​ថ្ងៃ​ទី​ ២៨ ខែ​មេសា ឆ្នាំ​២០២២ អ្នក​យក​ព័ត៌មាន​បាន​រាយការណ៍​ពី​លោក ព្រីនយ៉ា ភូសា អភិបាល​ខេត្ត​ស្រះកែវ បានសម្រេច ក្នុងការលើកលែង បើកការប្រើប្រាស់ច្រកចូល-ចេញរបស់ ព្រះរាជាណាចក្រកម្ពុជាសម្រាប់តែការដឹកជញ្ជូនទំនិញតាមតម្រូវការដែលចេញចូល និងអ្នកធ្វើដំណើរ។

ក្នុងនោះផងដែរ ដើម្បី​ពិចារណា​បើក​ច្រក​ព្រំដែន​គោក​អចិន្ត្រៃយ៍​ ព្រំប្រទល់ ចាប់​ពី​ថ្ងៃ​ទី​ ១ ខែ​ឧសភា កំណត់​ថា អ្នកធ្វើដំណើរ​ ត្រូវ​ចាក់​ថ្នាំ​បង្ការ​ឲ្យ​បាន​ពេញលេញ មានឯកសារចុះឈ្មោះ(ប័ណ្ណវ៉ាក់សាំង) លិខិតឆ្លងដែន គ្រប់ត្រឹមត្រូវ និងធ្វើតេស្ត កូវីដរហ័ស លទ្ធផលអវិជ្ជមាន អាចធ្វើដំណើរចូលមកបានដោយមិនចាំបាច់ចត្តាឡីស័ក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

រីឯចំណែក សម្រាប់អ្នកដែលមិនបំពេញកាលវិភាគចាក់វ៉ាក់សាំង ត្រូវចុះឈ្មោះតាមរយៈប្រព័ន្ធអនឡាញ «Thailand Pass» ជាមួយនឹងលិខិតឆ្លងដែន និងធ្វើតេស្តរក និងដាក់ឱ្យនៅដាច់ដោយឡែករយៈពេល ៥ ថ្ងៃ។ យ៉ាងណាមិញ បើ​សិនឆ្លង ​ត្រូវ​បញ្ជូន​ទៅ​ព្យាបាល​តាម កិច្ចព្រមព្រៀង ក្នុងការចំណាយទទួលការព្យាបាល៕

ប្រភព៖ matichon.co.th

សូមទស្សនារូបភាពខាងក្រោម៖