គួរដឹងរឿងនេះ! ប្រការគួរ និងមិនគួរធ្វើបន្ទាប់ពីបរិច្ចាគឈាមរួច!

ការបរិច្ចាគឈាមអាចជួយសង្រ្គោះជីវិតជាច្រើន និងជួយឱ្យយើងមានសុខភាព​ល្អទៀតផង​។ បន្ទាប់​ពីបរិច្ចាគឈាមរួច រាងកាយយើង​នឹងផលិតឈាមឡើងវិញជាបន្តបន្ទាប់ ប៉ុន្តែភ្លាមៗបន្ទាប់​ពី​បរិច្ចាគ​ឈាមរួច គ្នា​យើងខ្លះ​អាចវិលមុខ អស់កម្លាំង ឬចង្អោរដោយសារបាត់បង់ឈាម។ ដូច្នេះ​ដើម្បី​ចៀសពីផលរំខានដូចខាងលើ យើងគួរធ្វើ និងគួរចៀសវាងអ្វីខ្លះ?

១. ប្រការគួរធ្វើ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

• បន្ទាប់ពីគ្រូពេទ្យដកម្ជុលចេញ និងយកសំឡីជ្រលក់អាល់កុល​ទប់​ឈាមឱ្យយើង យើងគួរ​សង្កត់​ក​ន្លែង​បូមឈាមរយៈពេល ៥ នាទី ដើម្បីកាត់បន្ថយការហើម និងឡើងជាំ
• សម្រាកនៅមជ្ឈមណ្ឌលផ្តល់ឈាមយ៉ាងហោចណាស់ ២០ នាទី
• រក្សាបង់បិទរបួសលើដៃពីរបីម៉ោង
• ញុំាទឹកឱ្យបានច្រើនដើម្បីគ្រប់គ្រងសម្ពាធឈាម
• ញុំាអាហារសម្រន់
• ញុំាអាហារសម្បូរជាតិដែកដូចជា បន្លែស្លឹកបៃតង សណ្តែក ដំឡូងជ្វា ទំពាំងបាយជូរក្រៀម ឪឡឹក សាច់គោ ឬគ្រឿងសមុទ្រជាដើម ព្រោះ​រាងកាយយើងត្រូវការជាតិដែក​ដើម្បីផលិតកោសិកាឈាម​ក្រហម ហើយជាតិដែកជួយឱ្យរាងកាយយើងឆាប់មានកម្លាំងឡើងវិញ។
• ញុំាអាហារសម្បូរវីតាមីន C ដូចជា បន្លែស្លឹកបៃតង ប៉េងប៉ោះ ខាត់ណាខៀវ ម្ទេសហាវៃ ផ្លែឈើអម្បូរក្រូច គីវី ឬល្ហុងជាដើមព្រោះអាច​ជួយ​​ឱ្យរាងកាយយើងស្រូបយកជាតិដែកបានល្អ។
• ស្វែងរកជំនួយ ប្រសិនបើយើងខ្សោយ មានការឈឺចាប់ ឬជាំកន្លែង​បូមឈាមខ្លាំង

២. ប្រការគួរចៀសវាង

• លើករបស់ធ្ងន់ៗ
• ហាត់ប្រាណដោយប្រើកម្លាំងខ្លាំង
• ញុំាគ្រឿងស្រវឹង
• ងូតទឹកក្តៅឧណ្ហៗ
• ឈរក្នុងរយៈពេលយូរ
• ចៀសវាងជក់បារីយ៉ាងហោចណាស់ ៣០ នាទីបន្ទាប់ពី​បរិច្ចាគ​ឈាម​រួច

បន្ទាប់ពីចាក់ចេញពីមណ្ឌលបរិច្ចាគឈាម ប្រសិនបើយើងវិលមុខ យើងត្រូវបញ្ឈប់រាល់សកម្មភាព​ដែលកំពុងធ្វើ រួចអង្គុយ ឬគេងសម្រាករហូតដល់យើងស្រួលខ្លួនឡើងវិញ។ ប្រសិនបើកន្លែងបូមឈាមចេញ​ឈាម យើងគួរយកសំឡីជ្រលក់អាល់កុល​រួចទប់សង្កត់​មុខម្ជុល​រយៈ​ពេល ៥ ទៅ ១០ នាទី ព្រមទាំងលើកដៃឡើងលើរហូតដល់ឈាមឈប់ហូរ។

ចំណុចសំខាន់

បន្ទាប់ពីការបរិច្ចាគឈាមយើងគួរធ្វើតាមការណែនាំដូចខាងក្រោម៖

• សង្កត់កន្លែងបូបឈាមរយៈពេល ៥ នាទី
• សម្រាកនៅមជ្ឈមណ្ឌលផ្តល់ឈាមយ៉ាងហោចណាស់ ២០ នាទី
• រក្សាបង់បិទរបួសលើដៃយ៉ាងពីរបីម៉ោង
• ញុំាទឹកឱ្យបានច្រើន
• ញុំាអាហារសម្រន់
• ញុំាអាហារសម្បូរជាតិដែក
• ញុំាអាហារសម្បូរវីតាមីន C
• ចៀសវាងលើករបស់ធ្ងន់ៗ
• ចៀសវាងហាត់ប្រាណដោយប្រើកម្លាំងខ្លាំង
• ចៀសវាងញុំាគ្រឿងស្រវឹង
• ចៀសវាងងូតទឹកក្តៅឧណ្ហៗ
• ចៀសវាងឈរក្នុងរយៈពេលយូរ
• ចៀសវាងជក់បារី

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet