បរទេស៖ ថ្មីៗនេះ យោងតាមប្រភពបរទេសដ៏ល្បីមួយរាយការណ៍ថា តារាស្រី Kim Kardashian កំពុងត្រូវបានគេរិះ.គ.ន់ចំពោះការបង្ហាញស្តង់ដាររាងកាយមិនល្អ បន្ទាប់ពីនាងបានបង្ហើបថា ខ្លួនស្រកទម្ងន់បានជាង ៧ គីឡូក្រាមក្នុងរយៈពេលតែ ៣ សប្តាហ៍ប៉ុណ្ណោះ ដើម្បីឲ្យមានរាងសមទៅនឹងរ៉ូបដ៏ល្បីរបស់ Marilyn Monroe នៅក្នុងកម្មវិធី Met Gala 2022។
មិនត្រឹមតែប៉ុណ្ណោះ នៅលើកម្រាលព្រំក្រហមនៃកម្មវិធីនេះ តារាស្រីរូបនេះ ថែមទាំងបានប្រាប់អ្នកយកព័ត៌មាន ថា នាងបានយំនៅពេល ដែលបានដឹងថា ខ្លួនមិនមានភាពសាកសមទភនឹងសម្លៀកបំពាក់ នៅពេលដែលសាកល្បងលើកដំបូង ដូច្នេះហើយ ទើបនាងបានសម្រេចចិត្តសម្រកទម្ងន់។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សជាពិសេស Kim Kardashian បានធ្វើតាមរបបអាហារដ៏តឹងរ៉ឹងដើម្បីរក្សារាងស្លីម ដោយមិនញ៉ាំ ជាតិកាបូអ៊ីដ្រាត និងស្ករអស់រយៈពេល ៣ សប្តាហ៍ និងញ៉ាំតែបន្លែ ប្រូតេអ៊ីន តែប៉ុណ្ណោះ។ តែទោះជាយ៉ាងណា បន្ទាប់ពីនោះមក ទស្សនិកជនជាច្រើន បានរិះ.គ.ន់តារារូបនេះ ដែលនិយាយបើកចំហអំពីការសម្រកទម្ងន់លើសទម្ងន់ ដែលមានការចង្អុលបង្ហាញថា ការបង្ខំខ្លួនឱ្យស្រកទម្ងន់ក្នុងរយៈពេលដ៏ខ្លី គឺមិនមានតម្លៃទេ និងមិនមានសុខភាពល្អ ផងដែរ៕
ប្រភព៖ Zingnews
សូមទស្សនារូបភាពខាងក្រោម៖
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
