មេម៉ាយក៏ដោយ Angelababy កាន់តែស្អាតខ្លាំង

ចិន៖​ នៅតែស្ថិតក្នុងការតាមដាន ពីមនុស្សជាច្រើន ចំពោះតារាស្រី Angelababy ជាមួយនឹងការបង្ហាញខ្លួនតាមកម្មវិធីផ្សេងៗ ក៏ដូចជាចង់ឃើញពីសម្រស់ដ៏ស្រស់ស្អាតរបស់តារាស្រីរូបនេះ ក្រោយពីប្រកាសចែកផ្លូវជាមួយនឹងអតីតស្វាមី កាលពីដើមឆ្នាំនេះ។ 

ក្នុងនោះដែរ ថ្មីៗនេះ ជាមួយនឹងកម្រងរូបភាពពីខាងក្រោយឆាកនៃកម្មវិធីមួយ ដែល តារាស្រី Angelababy បានចូលរួម បានបង្កនូវភាពភ្ញាក់ផ្អើលទៅដល់ អ្នកនិយមលេងអ៊ីនធឺណិត បន្ទាប់ពីបានឃើញពីការរៀបចំខ្លួនរបស់នាង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ទន្ទឹមនឹង រូបថតជាច្រើនសន្លឹកនេះ ដែលអ្នកដំណើរឆ្លងកាត់ បានចាប់យករូបភាព របស់ Angelababy ពិតជាបានទាញយកចំណាប់អារម្មណ៍យ៉ាងខ្លាំង ទៅលើសម្រស់ដ៏ស្រស់ស្អាតវ័យក្មេង ក្នុងឈុតដ៏ទាក់ទាញបង្ហាញទឹកមុខញញឹមស្រស់ស្រាយយ៉ាងមានមន្តស្នេហ៍ ទៀតផង។ 

យ៉ាងណាមិញ សម្រាប់រូបភាពដ៏លេចធ្លោរបស់តារាស្រីរូបនេះ នៅតែទទួលបានការសរសើរ ព្រមទាំងមានការពេញចិត្ត ទៅលើរូបនាង ដែលអាចរក្សា​ភាពស្រស់ស្អាត គួរជាទីចាប់អារម្មណ៍៕

ប្រភព៖ Kenh14

សូមទស្សនារូបភាពខាងក្រោម៖ 

• តារាចិន