Angelina Jolie កំពុងសាងស្នេហ៍ថ្មី ជាមួយនឹងបុរសរូបនេះ?

បរទេស៖ កាលពីថ្មីៗនេះ រូបភាពរបស់ Zahara ដែលជា កូនស្រីចិញ្ចឹមរបស់ តារាស្រី Angelina Jolie បានថតជាមួយបុរសម្នាក់ កំពុងតែទទួលបានការចាប់អារម្មណ៍យ៉ាងខ្លាំង នៅលើសង្គមអនឡាញ ដែល​អាច​មើល​ឃើញ​ថា ​បុគ្គលរូប​នេះ​ ព្រមទាំង​ Zahara ពិតជា​ស្និទ្ធស្នាល​គ្នា​ខ្លាំង​ណាស់។

មិនត្រឹមតែប៉ុណ្ណោះ អ្នក​និយម​លេង​អ៊ីនធឺណិត​ ថែមទាំងបាន​សម្គាល់លើរូបភាពមួយ របស់ Zahara និងបុរសរូបនោះ ជាមួយនឹងស្រមោលមនុស្សម្នាក់ទៀតនៅក្នុងកញ្ចក់ ដែលជាតារាស្រី Angelina Jolie បើទោះបីជា នាងមិនបានបង្ហាញខ្លួនក្នុងរូបថតក៏ដោយ តែស្រមោលរបស់នាង នៅលើទ្វារកញ្ចក់អាចមើលឃើញយ៉ាងច្បាស់ៗ ទៀងផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ ដោយសារតែបែបនេះហើយ ទើបធ្វើឲ្យមនុស្សជាច្រើន មានការសង្ស័យថា តារាស្រីរូបនេះ កំពុង​តែណាត់​ជួប​បុរស​ក្នុង​រូប​នោះ ដោយបាន​ធ្វើ​ពិធី​ខួប​កំណើត​ឲ្យ​ម្នាក់​នេះ​ នៅ​ផ្ទះ​របស់​នាង។ តែទោះជាយ៉ាងណា អ្នកគាំទ្ររបស់ Angelina Jolie ក៏បានបដិសេធព័ត៌មាននេះ ព្រមទាំងបានលើកឡើងថា បុរសនៅក្នុងរូបជាមួយ Zahara គឺ Chaz Guest ដែលជាវិចិត្រករដ៏ល្បីល្បាញ និងធ្លាប់គូររូបសម្រាប់ Zahara ផងដែរ៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាអន្តរជាតិ