គួរឲ្យសរសើរ! ខេត្តបាត់ដំបង ប្តូរផ្ទាំងពាណិជ្ជកម្ម មកដាក់រូបព្រះពុទ្ធ សម្រាប់គោរពបុណ្យវិសាធបូជាខាងមុខ

បាត់ដំបង៖ រូបភាពប៉ុន្មានសន្លឹក ដែលបានចែកចាយ នៅសង្គមហ្វេសប៊ុក កំពុងទទួលបានការចាប់អារម្មណ៍ជាខ្លាំង ក៏ដូចជាការសាទរ កោតសរសើរ ដែលបានរៀបចំសោភ័ណ្ឌភាពទីក្រុង ដោយមានការរៀបចំ ក្នុងការដាក់ ផ្ទាំងរូបភាពផ្សាយពាណិជ្ជកម្ម នៅតាមដងវិថី មួយចំនួនក្នុងក្រុងបាត់ដំបង ដោយដាក់ជំនួសវិញនូវផ្ទាំងបុណ្យពិសាខបូជាជំនួសវិញ។

តាមរយៈ កាលបង្ហោះ នៅលើគណនីជាផ្លូវការ របស់ ឯកឧត្តម សុខ លូ អភិបាលនៃគណអភិបាលខេត្តបាត់ដំបង បានលើកឡើងថា ខេត្តបាត់ដំបង បានត្រៀមខ្លួនជាស្រេច ក្នុងការ រៀបចំសម្រាប់ពិធីបុណ្យពិសាខបូជាដែលនឹងប្រព្រឹត្តទៅនៅថ្ងៃអាទិត្យ ១៥កើត ខែពិសាខ ឆ្នាំខាល ចត្វាស័ក ព.ស ២៥៦៥ ត្រូវនឹង ថ្ងៃទី១៥ ខែឧសភា ឆ្នាំ២០២២ ខាងមុខនេះ ដោយក្នុងនោះ ឯកឧត្តមក៏បានអំពាវនាវពលរដ្ឋចូលរួមក្នុងពិធីដង្ហែក្បួនបុណ្យពិសាខបូជាទាំងអស់គ្នាដូច្នេះដែរ៕ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមទស្សនារូបភាពខាងក្រោម៖

ប្រភព៖ រដ្ឋបាលខេត្តបាត់ដំបង