ធនាគារ ABA ជាប់ជាសហគ្រាសបង់ពន្ធច្រើនជាងគេទាំងបីនៅកម្ពុជា ប្រចាំឆ្នាំ 2021!

ភ្នំពេញ៖ ធនាគារ ABA ដែលជាធនាគារពាណិជ្ជឈានមុខរបស់កម្ពុជា បានទទួលលិខិតសរសើរពីសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ដែលសាទរចំពោះការរួមចំណែករបស់ធនាគារក្នុងការអភិវឌ្ឍសេដ្ឋកិច្ចជាតិ ក្នុងនាមជាសហគ្រាសបង់ពន្ធច្រើនជាងគេទាំងបីប្រចាំឆ្នាំ 2021 ដោយឆ្នាំមុន ស្ថិតក្នុងចំណោមអ្នកបង់ពន្ធច្រើនជាងគេលំដាប់ទី12។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការអភិវឌ្ឍនៃចំណាត់ថ្នាក់នេះ បានបង្ហាញពីការបន្ដប្តេជ្ញាចិត្ត និងតម្លាភាពរបស់ធនាគារក្នុងអភិបាលកិច្ចពន្ធសារជីវកម្មដ៏ល្អរបស់ខ្លួនតាមរយៈការបំពេញកាតព្វកិច្ចបង់ពន្ធដារជូនរដ្ឋ។

ប្រសាសន៍ក្នុងលិខិតសរសើរដែលមានប្រថាប់ត្រា និងហត្ថលេខារបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាបានថ្លែងថា៖

ក្នុងខែធ្នូ ឆ្នាំ2020 ធនាគារ ABA ទទួលបានវិញ្ញាបនបត្រអនុលោមភាពសារពើពន្ធប្រភេទ “មាស” ពីអគ្គនាយកដ្ឋានពន្ធដាររយៈពេល 2 ឆ្នាំជាប់ៗគ្នាសម្រាប់ឆ្នាំហិរញ្ញវត្ថុ 2021 និង 2022 ដែលជាសមិទ្ធផលនៃការប្តេជ្ញាចិត្តយ៉ាងរឹងមាំចំពោះអនុលោមភាពពន្ធដារនៅកម្ពុជា៕