ដុះក្បាលពោះ អាចបណ្ដាលមកពីកត្តាជាច្រើន ដូចជារបបអាហារដែលមានជាតិសរសៃតិច បាក់តេរីក្នុងពោះវៀនមិនល្អ ឬកត្តាវ័យចំណាស់ជាដើម។ ពិតណាស់ ការឡើងខ្លាញ់ក្បាលពោះ ជាកង្វល់ដ៏ធំមួយ ដែលមិនត្រឹមតែធ្វើឲ្យរូបរាងយើងមិនស្រស់ស្អាតប៉ុណ្ណោះទេ វាថែមទាំងបង្កជាបញ្ហាសុខភាពមួយចំនួន ដូចជាជំងឺបេះដូង ទឹកនោមផ្អែម និងមហារីកផងដែរ។
លើសពីនេះ ខ្លាញ់ក្បាលពោះក៏អាចប៉ះពាល់ដល់សរសៃឈាម និងបណ្ដាលឲ្យមានបញ្ហាដំណេកដូចគ្នា។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សកត្តា៥យ៉ាង ដែលធ្វើឲ្យយើងដុះក្បាលពោះ
១. អាហារ និងភេសជ្ជៈដែលមានជាតិស្ករ
ស្ករគ្រាប់ នំឃេក យ៉ាអួរកក ភេសជ្ជៈដែលមានជាតិកាហ្វេអ៊ីន និងតែផ្អែម សុទ្ធតែមានបន្ថែមជាតិស្ករខ្ពស់។ តាមការសិក្សាបានបង្ហាញថា សារធាតុFructose នៅក្នុងស្ករបន្ថែម អាចកាត់បន្ថយការធ្វើមេតាបូលីស និងការដុតជាតិខ្លាញ់។ ដូច្នេះហើយ បើយើងញ៉ាំជាតិស្ករបន្ថែមកាន់តែច្រើន នោះនឹងធ្វើឲ្យយើងឡើងខ្លាញ់ក្បាលពោះកាន់តែច្រើនដូចគ្នា។
២. អាហារកែច្នៃ
ចំណែកឯពពួកអាហារកែច្នៃដូចជា អាហារឆ្អិនស្រាប់ អាហារកំប៉ុង អាហារបង្កក ឬអាហារដែលវេចខ្ចប់រួច អាចបង្កើនជាតិស្ករក្នុងឈាម និងកម្រិតអាំងស៊ុយលីនយ៉ាងឆាប់រហ័ស។ ជាងនេះទៅទៀត អាហារប្រភេទនេះក៏ផ្ទុកជាតិអំបិល និងសារធាតុរក្សាទុកឲ្យបានយូរក្នុងកម្រិតខ្ពស់ផងដែរ។
៣. មិនអើរពើហាត់ប្រាណ
មួយវិញទៀត បែបបទរស់នៅអសកម្ម ឬមិនសូវធ្វើលំហាត់ប្រាណ ក៏ជាមូលហេតុចម្បងដែលនាំឲ្យដុះក្បាលពោះ។ ចំពោះស្ត្រីដែលអង្គុយយូរច្រើនជាង៣ម៉ោង អាចបង្កើនហានិភ័យនៃការដុះក្បាលពោះកាន់តែខ្ពស់។
៤. គេងមិនគ្រប់គ្រាន់
ទន្ទឹមនឹងនេះដែរ ការគេងតិចជាង៥ម៉ោង ឬច្រើនជាង៨ម៉ោងក្នុងមួយថ្ងៃ ក៏អាចបណ្ដាលឲ្យយើងឡើងទម្ងន់។ ហេតុនេះហើយ ការគេងរយៈពេល៦ទៅ៨ម៉ោង មានសារសំខាន់ណាស់ ដើម្បីទទួលបានសុខភាពល្អ ក៏ដូចជាជៀសវាងបញ្ហាដុះក្បាលពោះដ៏គួរឲ្យស្អប់ខ្ពើម។
៥. ស្រ្តេស
នៅពេលដែលយើងស្រ្តេសខ្លាំង យើងនឹងបញ្ចេញអ័រម៉ូនស្រ្តេស Cortisol ដែលអាចបង្កើនខ្លាញ់ក្បាលពោះបានយ៉ាងងាយ។ ជាមួយគ្នានេះដែរ ស្រ្តេសក៏អាចរំខានដល់ការគេង ធ្វើឲ្យយើងញ៉ាំច្រើន និងផឹកគ្រឿងស្រវឹងច្រើនជ្រុល ដែលទាំងនេះសុទ្ធតែជាកត្តាជំរុញឲ្យមានការប្រមូលផ្ដុំខ្លាញ់នៅត្រង់ក្បាលពោះ។
ចំណុចសំខាន់
កត្តា៥យ៉ាង ដែលធ្វើឲ្យយើងដុះក្បាលពោះ រួមមាន៖
១. អាហារ និងភេសជ្ជៈដែលមានជាតិស្ករ
២. អាហារកែច្នៃ
៣. អសកម្ម ឬមិនសូវធ្វើលំហាត់ប្រាណ
៤. គេងមិនគ្រប់គ្រាន់
៥. ស្រ្តេស
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
