ទោះកូវីដកម្រិតស្រាលក៏អាចឲ្យខួរក្បាលរួមស្វិត និងផលប៉ះពាល់ទាំងនេះដែរ!

គ្នាយើងមួយចំនួនដែលឆ្លងវីរុសកូវីដ-១៩ ដោយមានរោគសញ្ញាស្រាល ច្បាស់ជាយល់ថា វីរុសនេះមិនបង្កជាផលប៉ះពាល់អ្វីឡើយ ក្រោយជាសះស្បើយ។ ប៉ុន្តែមិនដូច្នោះទេ ទោះជាយើងឆ្លងវីរុសកូវីដ-១៩កម្រិតស្រាលក៏ដោយ ក៏ផលប៉ះពាល់នៃជំងឺផ្លូវដង្ហើមនេះអាចធ្វើឲ្យខួរក្បាលយើងរួមស្វិត និងចាស់ជាងវ័យរហូតដល់១០ឆ្នាំឯណោះ នេះបើយោងតាមការសិក្សាថ្មីៗនេះ។

ផលប៉ះពាល់នៃវីរុសកូវីដ-១៩ចំពោះខួរក្បាល

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភស្តុតាងមួយចំនួននៃការខូចសរសៃប្រសាទ ក្រោយឆ្លងវីរុសកូវីដ-១៩កម្រិតស្រាល ត្រូវបានសិក្សាដោយក្រុមអ្នកស្រាវជ្រាវមកពីចក្រភពអង់គ្លេស ទៅលើការប្រែប្រួលខួរក្បាល មុន និងក្រោយពេលឆ្លងវីរុសនេះ។ ក្នុងចំណោមអ្នកចូលរួមចំនួន៧៨៥នាក់ ដែលមានអាយុចន្លោះពី៥១ឆ្នាំ ដល់៨១ឆ្នាំ បានស្កេនខួរក្បាលមុនពេលដែលមានការផ្ទុះជំងឺរាតត្បាត។ កំណត់ត្រាវេជ្ជសាស្ត្របានបង្ហាញថា ក្នុងនោះមានអ្នកចូលរួមចំនួន៤០១នាក់បានឆ្លងវីរុសកូវីដ-១៩ ដែលមានរោគសញ្ញាស្រាល។ ជាលទ្ធផល ក្រោយជាសះស្បើយពីវីរុសនេះរយៈពេល៤ខែកន្លះ អ្នកជំងឺបានបាត់បង់ទំហំខួរក្បាលចន្លោះពី០.២ និង២ភាគរយ។

សមត្ថភាពយល់ដឹងធ្លាក់ចុះ

ជាមួយគ្នានេះដែរ អ្នកជំងឺកូវីដក៏មានការផ្ចង់អារម្មណ៍ទាប ព្រមទាំងការចងចាំចុះខ្សោយ បើប្រៀបធៀបនឹងអ្នកមានសុខភាពល្អ។ លោកវេជ្ជបណ្ឌិតJacques Hugon អ្នកឯកទេសខាងសរសៃប្រសាទនៅសាកលវិទ្យាល័យនៃមន្ទីរពេទ្យParis Lariboisiere បានមានប្រសាសន៍ថា យើងនៅមិនទាន់ដឹងច្បាស់នៅឡើយថា តើខួរក្បាលនឹងធ្វើការជួសជុលដោយខ្លួនឯងឬយ៉ាងណា។ បន្ថែមពីនេះ ការបំផ្លាញដែលបង្កឡើងដោយកូវីដនៅក្នុងខួរក្បាល ក៏អាចវិវត្តទៅជាជំងឺសរសៃប្រសាទផ្សេងៗផងដែរ។

ហេតុដូច្នេះហើយ ការការពារខ្លួនឲ្យជៀសផុតពីវីរុសកូវីដ-១៩ គឺជារឿងសំខាន់បំផុត បើទោះបីយើងបានចាក់ថ្នាំបង្ការគ្រប់ចំនួន ឬក៏វ៉ារ្យង់កូវីដបំប្លែងថ្មីមានរោគសញ្ញាស្រាលក៏ដោយ ពីព្រោះថា សូម្បីតែយើងឆ្លងកូវីដ-១៩ដែលមានរោគសញ្ញាស្រាល ក៏នៅតែអាចប្រឈមនឹងការបំផ្លាញទៅលើការយល់ដឹង (Cognitive damage) ដែលបង្កឡើងដោយវីរុសនេះបានដូចគ្នា។

ចំណុចសំខាន់

គ្នាយើងមួយចំនួនដែលឆ្លងវីរុសកូវីដ-១៩ ដោយមានរោគសញ្ញាស្រាល ច្បាស់ជាយល់ថា វីរុសនេះមិនបង្កជាផលប៉ះពាល់អ្វីឡើយ ក្រោយជាសះស្បើយ។ ប៉ុន្តែមិនដូច្នោះទេ ទោះជាយើងឆ្លងវីរុសកូវីដ-១៩កម្រិតស្រាលក៏ដោយ ក៏អាចធ្វើឲ្យខួរក្បាលយើងរួមស្វិត និងចាស់ជាងវ័យរហូតដល់១០ឆ្នាំឯណោះ នេះបើយោងតាមការសិក្សាថ្មីៗនេះ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ទោះកូវីដកម្រិតស្រាលក៏អាចឲ្យខួរក្បាលរួមស្វិត និងផលប៉ះពាល់ទាំងនេះដែរ!

ផល​ប៉ះពាល់​នៃ​វីរុស​កូវីដ​-១៩​ចំពោះ​ខួរ​ក្បាល​

សមត្ថភាព​យល់​ដឹង​ធ្លាក់​ចុះ

ចំណុចសំខាន់

In Case You Missed It

ផលប៉ះពាល់នៃវីរុសកូវីដ-១៩ចំពោះខួរក្បាល

សមត្ថភាពយល់ដឹងធ្លាក់ចុះ