ប្រទេសជប៉ុន នឹងកំណត់ចំនួនជនបរទេសដែលចូលមកប្រទេសនេះ ចាប់ពីខែក្រោយទៅ

ជប៉ុន៖ នាពេលថ្មីៗនេះ អ្នកនាំពាក្យរដ្ឋាភិបាលកំពូលបាននិយាយកាលពីថ្ងៃសុក្រ ទី២០ ខែឧសភា នេះថា ប្រទេសជប៉ុននឹងដាក់កម្រិតក្នុងការទទួលជនបរទេសនៅខែក្រោយនេះ ដោយកំណត់ចំនួន២០,០០០ នាក់ក្នុងមួយថ្ងៃ។

ដោយឡែក យោងតាមការបញ្ជាក់របស់លោក Hirokazu Matsuno ប្រមុខ​ខុទ្ទកាល័យជប៉ុន បានប្រាប់សន្និសីទសារព័ត៌មានថា អ្នកធ្វើដំណើរមកពីប្រទេសភាគច្រើនប្រហែល ៨០ ភាគរយនៃជនបរទេសសរុបទៅកាន់ប្រទេសជប៉ុន នឹងមិនតម្រូវឱ្យបញ្ជាក់វិញ្ញាបនបត្រ កូវីដអវិជ្ជមាននោះទេ ហើយក៏មិនត្រូវដាក់ឱ្យនៅដាច់ពីគេនៅពេលមកដល់ដែរ។ ប៉ុន្តែចំពោះការទទួលភ្ញៀវទេសចរពេលនេះគឺមិនបើកទទួលពេញលេញនោះទេ ដោយពេលនេះជប៉ុនទទួលយកអ្នកដំណើរធុរកិច្ច និស្សិតបរទេស និងអ្នកសិក្សា ប៉ុន្តែមិនមែនអ្នកទេសចរទូទៅឡើយ លើកលែងតែអ្នកទេសចរដែលនៅក្នុងគម្រោងសាកល្បងប៉ុណ្ណោះ។

បន្ថែមពីលើនេះ អ្នកដំណើរដែលស្ថិតនៅក្នុងគម្រោងសាកល្បងនោះ គឺត្រូវតែចាក់វ៉ាក់សាំងយ៉ាងតិចបំផុត ៣ដូស មុនពេលចូលមកទីនេះផងដែរ៕

សូមចូលទស្សនារូបភាពខាងក្រោម៖