ចេញទៅណាត់ជួបគ្នាហើយ តែអតីតស្វាមីសាន់ឆាយ បែរជាធ្វើបែបនេះទៅវិញ

ចិន៖ ក្រោយពីបានលែងលះគ្នារយៈពេលប៉ុន្មានខែកន្លងទៅ រហូតដល់ខាងស្រី ដែលជាតារាសម្ដែង Barbie Hsu បានរកឃើញស្នេហ៍ថ្មីម្ដងទៀតហើយនោះ ពេលនេះ អតីតស្វាមីរបស់នាង លោក Wang Xiaofei បានធ្វើឲ្យមហាជនសង្ស័យពីរឿងស្នេហាថ្មីដូចគ្នា បន្ទាប់ពីបង្ហាញចំណុចទាំងនេះ។

ក្នុងនោះដែរ កាល​ពី​ថ្ងៃ​ទី ២១ ខែ​ឧសភាកន្លងទៅ លោក​ Wang Xiaofei បាន​បង្ហោះ​រូប​ថត​អាហារ​មួយសន្លឹក នៅលើ​បណ្ដាញ​សង្គម ដែលក្រោយពីនោះ អ្នកទស្សនាជាច្រើន ​បាន​រក​ឃើញ​ថា​ មុន​នេះបន្តិច នារីរូបស្រស់ម្នាក់ដែលត្រូវបានសង្ស័យថាជាគូស្នេហ៍ថ្មីរបស់លោក ក៏​បាន​បង្ហាញ​ខ្លួន​ នៅទីកន្លែង​ដូច​គ្នាដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ពីដំបូងឡើយ នៅពេលដែលមានការសាកសួរអំពីរឿងនេះ ថាតើ លោក Wang Xiaofei បានចេញទៅក្រៅជាមួយនឹងនាងដែរឬយ៉ាងណានោះ ក្រោយមក អ្នកជំនួញម្នាក់នេះក៏បានបញ្ជាក់ថាបានទៅ តែទោះ​ជា​យ៉ាង​ណា រូប​លោកបែរជា​បាន​លុប​ការ​បង្ហោះ​នេះ​ចេញទៅវិញ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន