គ្រងឈុតអប្សរទេវី ឌី បញ្ញាវិមាលា កាន់តែសមសួនស្អាតគ្មានទាស់

ភ្នំពេញ៖ អាចនិយាយបានថាបវរកញ្ញា Miss Teen International Cambodia 2021 កញ្ញា ឌី បញ្ញាវិមាលា ជាម្ចាស់ជ័យលាភីវ័យក្មេង ដែលមានទាំងចំណេះដឹង រូបសម្ផស្ស និងទេពកោសល្យល្អម្នាក់ ដែលមហាជនតែងតែមើលឃើញ។ ពិតណាស់ ចាប់តាំងពីនាងគ្រងមកុដបវរកញ្ញាយុវតីអន្តរជាតិកម្ពុជាមក នាងទទួលបានប្រជាប្រិយភាពខ្លាំងតែម្ដង។ 

មួយវិញទៀត មួយរយៈចុងក្រោយនេះកញ្ញា ឌី បញ្ញាវិមាលា កាន់តែទទួលបានការងារច្រើនជាបន្តបន្ទាប់ មិនថាថតម៉ូត ថតស្ពតពាណិជ្ជកម្មនោះទេ។ មួយវិញទៀត ថ្មីៗនេះនាងក៏ក្លាយជាគណៈកម្មការក្នុងកម្មវិធី Miss Preteen International Cambodia ក្នុងវគ្គសម្ភាសន៍ផ្ទាល់ទៀត។ ក្នុងនោះដែរ ខណៈកំពុងត្រៀមខ្លួនទៅប្រកួតលើឆាកអន្តរជាតិ នាងក៏បានប្រឹងប្រែងហ្វឹកហាត់ពង្រឹងសមត្ថភាពខ្លួនឯងជាប្រចាំ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង មុននេះកញ្ញា ឌី បញ្ញាវិមាលា បានធ្វើឲ្យអ្នកលេងបណ្ដាញសង្គម និងហ្វេន ងាកមកចាប់អារម្មណ៍លើរូបភាពរបស់នាងគ្រប់ៗគ្នា ខណៈដែលនាងបានតុបតែងខ្លួនស្លៀកឈុតបុរាណបែបច្នៃដែលមានឈ្មោះ អប្សរទេវី។ ដោយរូបភាពជាច្រើនសន្លឹកនោះ គេឃើញសម្រស់នាងកាន់តែលេចធ្លោស្រស់ស្អាតផូរផង់ថែមមួយកម្រិតទៀត។ ហើយកាយវិកាដែលនាងបានបង្ហាញ មើលទៅពិតជាល្វត់ល្វន់ ទន់ភ្លន់សាមសួន សាកសមជានារីខ្មែរ គ្មានកន្លែងណាទាស់ភ្នែកឡើយ៕

សូមទស្សនារូបភាពខាងក្រោម៖

• រូបភាព
• តារាខ្មែរ