ចប់សព្វគ្រប់! តុលាការ កាត់ក្តីដាក់​ពន្ធនាគារ​១ ឆ្នាំកន្លះ ​​ឲ្យអតីត​សមាជិក​ក្រុម Big Bang Seungri

កូរ៉េខាងត្បូង៖ តុលាការកំពូលនៃប្រទេសកូរ៉េខាងត្បូងបានសម្រេចកាត់ទោស អតីតសមាជិកក្រុម Big Bang លោក Seungri មានឈ្មោះពិត Lee Seung Hyun អាយុ ៣២ ឆ្នាំ ឱ្យជាប់ពន្ធនាគាររយៈពេល ១ ឆ្នាំកន្លះ។

គួររំលឹកថា កាលពីមុន Seungri ត្រូវបានចោទប្រកាន់ពីបទឧក្រិដ្ឋកម្មសរុបចំនួន ៩ ករណីក្នុងខែមករា ឆ្នាំ ២០២០ ដែលបានគេរកឃើញ ពីបទពេស្យាចារខុសច្បាប់ ការលេងល្បែងនៅក្រៅប្រទេសខុសច្បាប់ ការផ្សព្វផ្សាយតាមរយៈខ្លឹមសារផ្លូវភេទដែលថតដោយខុសច្បាប់ ការកេងបន្លំ ការគម្រាមកំហែង និងការរំលោភបំពានជាដើម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្នុងអំឡុងពេលសវនាការដំបូងរបស់តុលាការយោធា Seungri ទទួល​បាន​ការ​កាត់​ទោស​ឲ្យ​ជាប់​ពន្ធនាគារ​៣​ឆ្នាំ​បន្ទាប់​ពី​រក​ឃើញ​ថា​មាន​ពិរុទ្ធ​លើ​បទ​ចោទ​ទាំង​៩។ បន្ទាប់មក បន្ទាប់ពីការដាក់ពាក្យប្តឹងឧទ្ធរណ៍ ការកាត់ទោសរបស់ Seungri ត្រូវបានកាត់បន្ថយដោយតុលាការយោធាជាន់ខ្ពស់។

ឥឡូវនេះ គិតត្រឹមថ្ងៃទី ២៦ ឧសភា តុលាការកំពូលនៃប្រទេសកូរ៉េខាងត្បូងបានសម្រេចកាត់ទោស Seungri ឱ្យជាប់ពន្ធនាគាររយៈពេល ១ ឆ្នាំ និង ៦ ខែ៕

ប្រភព៖ Allkpop

សូមទស្សនារូបភាពខាងក្រោម៖

• តារាកូរ៉េ