វ៉ាវ! ធ្លាប់ជាបវរកញ្ញា ពេលនេះមកប្រកួតប្រជែងក្នុងការប្រឡងចម្រៀងវិញម្តង ស៊ីម ម៉ាការ៉ាត់ពេជ្រចរណៃ កំពុងទទួលបានការចាប់អារម្មណ៍ខ្លាំង! (មានវីដេអូ)

ភ្នំពេញ៖ Cambodian Idol កំពុងក្លាយជាកម្មវិធីដ៏ពេញនិយមសម្រាប់ដើមឆ្នាំ2022 ដែលកំពុងមានការជជែក វែកញឺកជាច្រើនចំពោះបេក្ខជននីមួយៗដែលបានចូលរួមប្រឡង។

បេក្ខជនដ៏មានសមត្ថភាពជាច្រើនបានចេញមកបង្ហាញខ្លួនយ៉ាងគួរឲ្យចាប់អារម្មណ៍ក្នុងវគ្គ Judges Audition នេះជាបន្តបន្ទាប់ ហើយក៏មានបេក្ខជនម្នាក់ដែលកំពុងតែលេចធ្លោមិនធម្មតាឡើយ។ ស៊ីម ម៉ាការ៉ាត់ពេជ្រចរណៃ ដែលត្រូវធ្លាប់បានគេស្គាល់ថាជាអតីតបវរកញ្ញាចក្រវាឡកម្ពុជា បានមកចូលរួមប្រឡងចម្រៀងក្នុងកម្មវិធី Cambodian Idol។ មិនត្រឹមតែមានរូបសម្រស់ស្រស់សោភាទេ សំឡេងរបស់នាងក៏ពីរោះប្លែកមិនធម្មតាឡើយ រហូតទទួលបានសំបុត្រមាសពីគណៈកម្មការឲ្យទៅកាន់វគ្គបន្ត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនប៉ុន្មានថ្ងៃផង Clip សម្តែង និងរូបភាពរបស់នាងម្នាក់នេះត្រូវបានកើនចំនួនទស្សនារាប់លានដង និងចែកចាយតៗគ្នាយ៉ាងច្រើនតែម្តង។

កម្មវិធីប្រឡងចម្រៀងកម្រិតពិភពលោក Cambodian Idol វគ្គ Judge Audition សប្តាហ៍ទី4 នឹងមកដល់ម៉ោង 8 យប់នេះហើយ! តើនឹងមានអ្វីប្លែកទៀត? រង់ចាំទស្សនាបន្តទាំងអស់គ្នានៅលើកញ្ចក់ទូរទស្សន៍ ហង្សមាស HDTV៕

• ចម្រៀង
• វីដេអូ