ព្រោះរឿងអាស្រូវផ្លូវ.ភេ.ទ តារាសម្តែងប្រុស Kang Ji Hwan ត្រូវសងគេតច្រើនជាង ៤ លានដុល្លារ

កូរ៉េខាងត្បូង៖ តារាសម្ដែង Kang Ji Hwan និងអតីតក្រុមហ៊ុនគ្រប់គ្រងរបស់គាត់ត្រូវបង់ប្រាក់សំណងចំនួន ៥.៣ ពាន់លានវ៉ុន (ប្រហែល ៤.១៩ លានដុល្លារអាមេរិក) បន្ទាប់ពីរូបលោកបានរំលោភផ្លូវភេទសមាជិកបុគ្គលិក «Joseon Survival Period» ។

កាលពីថ្ងៃទី ២៦ ខែឧសភា សារព័ត៌មាន Yonhap News បានរាយការណ៍ថា Kang Ji Hwan និងអតីតក្រុមហ៊ុនគ្រប់គ្រងរបស់លោក Jellyfish Entertainment ត្រូវបង់ប្រាក់សងយ៉ាងច្រើនបែបនេះ សម្រាប់រឿងអាស្រូវរំលោភផ្លូវភេទរបស់តារាសម្តែង បន្ទាប់ពី ត្រូវ​បាន​កាត់ទោស​ឱ្យ​ជាប់​ពន្ធនាគារ​ ២ ​ឆ្នាំ ​៦​ ខែ និង​ព្យួរទោស​៣​ឆ្នាំ​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់​ស្ដែង ដោយ​សារ​តែ​មាន​ការ​សង្ស័យ​ពី​ការ​រំលោភ​ផ្លូវ​ភេទ តារា​សម្ដែង​រូប​នេះ​ត្រូវ​បង្ខំ​ចិត្ត​ចាក​ចេញ​ពី​ក្រុម​ការងារ​ភាពយន្ត Joseon Survival Period។ នៅពេលនោះ រឿងនេះបានថតត្រឹមតែ ១២ ភាគប៉ុណ្ណោះ ដូច្នេះហើយ ខានផលិតករ ត្រូវស្វែងរកតួសម្តែងមកជំនួស Kang Ji Hwan ក្នុង ៨ ភាគដែលនៅសល់ ដោយផលិតករ​ក៏​បាន​ដាក់​ពាក្យ​បណ្ដឹង​ទាមទារ​ឱ្យ​តារា​សម្ដែង​រូប​នេះ​សង​ជំងឺ​ចិត្ត​ចំនួន ៦,៣៨ ពាន់​លាន​វ៉ុន (ប្រហែល ៥,០៤ លាន​ដុល្លារ)។

បន្ទាប់​ពី​សវនាការ​ដំបូង តុលាការ​បាន​ទទួល​យក​មតិ​ភាគ​ច្រើន​របស់​ដើម​បណ្តឹង។ តុលាការបានបញ្ជាឱ្យ Kang Ji Hwan និង Jellyfish Entertainment ដែលជាក្រុមហ៊ុនគ្រប់គ្រងរបស់តារាសម្តែងនៅពេលរឿងអាស្រូវបានផ្ទុះឡើង - ឱ្យបង់ប្រាក់រួមគ្នាចំនួន ៥.៣ ពាន់លានវ៉ុន (ប្រហែល ៤.១៩លានដុល្លារ) តែម្តង៕

ប្រភព៖ zingnews

សូមទស្សនារូបភាពខាងក្រោម៖

• តារាកូរ៉េ