ពុទ្ធោហើយ ផ្ទះ Margie ដូចជាវិមានទៅហើយ ដឹងពេលណាបានផ្ទះចឹងដែរទេ

ថៃ៖  ជាក់ស្ដែង សម្រាប់ផ្ទះថ្មីរបស់ប្ដីប្រពន្ធតារាប្រុសស្រី Pok Passakorn និងភរិយា Margie Rasri ដែលធ្វើឲ្យហ្វេនៗកំពុងតែចាប់អារម្មណ៍ ទៅលើការរៀបចំយ៉ាងប្រណីត ទាំងខាងក្នុង និងខាងក្រៅ។

ថ្មីៗនេះ អ្នកទាំងពីរ ស្រាប់តែចេញមកបង្ហាញឲ្យឃើញពីសួនច្បារនៅខាងក្រៅផ្ទះ ដែលត្រូវបានសាងសង់ឡើងក្នុងទីធ្លាយ៉ាងធំទៀតផង។ ជាពិសេស នៅក្នុងនោះដែរ មានការរៀបចំ ចាប់​តាំង​ពី​ប្រភព​ទឹក​ដែល​មាន​រូប​សំណាក​សេះ ហើយនិង មានផ្នែកមួយនៃទឹកជ្រោះធំ នៅខាងមុខផ្ទះទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ នៅក្នុងសួនមួយនេះ ថែមទាំងបានធ្វើសួនកុមារ និង​មានដើមឈើ​ធំៗ​ជាង ១២ ដើម មានកំពស់ខ្ពស់ និងស្រស់ស្អាត ដែលអាចនិយាយបានថា ដើរ​នៅ​ជ្រុង​ណា​ក៏​មាន​តែ​សួន​ច្បាររំលេចពណ៌ខៀវខ្ចីយ៉ាងត្រជាក់ភ្នែក។ លើសពីនេះ Pok និង Margie ក៏បានរៀបចំកន្លែងអង្គុយដែលមានតុមួយនៅចំកណ្តាលសម្រាប់កម្សាន្ត ព្រមទាំងមានកន្លែងសម្រាប់ក្មេងៗ​រត់​លេង ផងដែរ៕ 

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ