មិនដឹងក្រុមរាំ ក៏ក្រុមចម្រៀង Aespa ឡើងច្រៀងចាក់ឌីស ថ្លៃលើសគេ លើសឯង

កូរ៉េខាងត្បូង៖ អ្នកនិយមលេងអ៉ីនធឺណែតបានចែករំលែក ថ្លៃកម្រៃ ឈ្នួល សម្រាប់សិល្បករមួយចំនួនដូចជា aespa Red Velvet AKMU តារារ៉េប Be'O និង JUSTHIS និងតារាចម្រៀងទៅល Psy ក្នុងការសម្តែងនៅឯកម្មវិធី ប្រគុំតន្រ្តី មហាវិទ្យាល័យ។

ជាក់ស្តែងនៅថ្ងៃទី ៣០ ខែឧសភា ការបង្ហោះមួយបានទៅដល់ទំព័រពេញនិយមនៃសហគមន៍អនឡាញដ៏ធំបំផុតមួយនៅក្នុងប្រទេសកូរ៉េសម្រាប់ការចែករំលែកតម្លៃសម្រាប់សិល្បករមួយចំនួនដើម្បីសម្តែងក្នុងពិធីបុណ្យនៅសាកលវិទ្យាល័យ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមប្រភពដដែលបានលើកឡើង Aespa គឺជាសិល្បករដែលមានតម្លៃថ្លៃបំផុតក្នុងការអញ្ជើញ ៥០ លានវ៉ុន (ប្រហែលជាង ៤ម៉ឺនដុល្លារ) បន្ទាប់មកគឺ Red Velvet និង AKMU តម្លៃ ៤០ លានវ៉ុន បន្ទាប់មកគឺតារាចម្រៀងរ៉េប Be'O និង JUSTHIS ក្នុងតម្លៃ ៣០ លានវ៉ុន។ គាត់និយាយថា Psy មានតម្លៃថោកគួរឱ្យភ្ញាក់ផ្អើលក្នុងការអញ្ជើញក្នុងតម្លៃត្រឹមតែ ១៥ លានវ៉ុនតែប៉ុណ្ណោះ។

យ៉ាងណាមិញ ក្រោយព័ត៌មានបានចេញផ្សាយ ភ្លាមៗនោះ​ បានធ្វើឲ្យមហាជន មានការប្រតិ្តកម្មជាខ្លាំងទៅនឹង តម្លៃខ្លួនរបស់ពួកគេ ដែលទៅតាមប្រភពនេះ បានដឹងថា Aespa បានក្លាយជាអ្នកស៊ីថ្លៃជាងគេ ប៉ុន្តែពួកគេមិនបានច្រៀងផ្ទាល់នោះទេគ្រាន់តែចាក់ចម្រៀង នឹងធ្វើមាត់ត្រាប់តាមចម្រៀង។

ទៀតសោត ប្រធានបទនេះ ត្រូវបានគេលើកឡើងធ្វើជាប្រធានបទ ដោយបានអ្នកនិយមលេងបណ្តាញសង្គម ថាពួកគេប្រៀបដូចជាក្រុមរាំ ហេតុអីត្រូវចំណាយលុយច្រើនដើម្បីអញ្ជើញពួកគេ ជាងសិល្បករដទៃ ដែលពួកគេបាន Live ច្រៀងផ្ទាល់ទៅវិញ?

ប្រភព៖ https://talkkpop.com/

សូមទស្សនារូបភាពខាងក្រោម៖

• តារាកូរ៉េ