Amber Heard ប្រឈមមុខដាច់យ៉ៃ ក្រោយចាញ់ក្តី សងសំណង អតីតស្វាមី ជាង ១០លានដុល្លារ

បរទេស៖ យោងតាមគេ People មេធាវីរបស់តារាសម្តែងស្រី Amber Heard ទើបតែផ្តល់បទសម្ភាសន៍នៅថ្ងៃនេះបន្ទាប់ពីការកាត់ក្តីរវាងតារាស្រីរូបនេះ រវាងនឹង អតីតស្វាមី បានបញ្ចប់​ដោយបាន កាត់ក្តីឲ្យនាង​ចាញ់ក្តី ថែមទាំងសងសំណងច្រើនជាង ១០លានដុល្លារទៀតផង។

ជាក់ស្តែង តាមរយៈប្រភពដដែល បានរាយកាណ៍មកថា មេធាវីរបស់ Amber Heard បានបង្ហើបថា តារាស្រីរូបនេះ មានការលំបាកផ្នែកហិរញ្ញវត្ថុ ដោយសារតែនាងត្រូវបង់ថ្លៃផ្លូវច្បាប់ទាក់ទងនឹងបណ្តឹងបរិហារកេរ្តិ៍ជាមួយ Depp ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ យោងតាមស្ថិតិរបស់ Celebrity Net Worth ទ្រព្យសម្បត្តិសុទ្ធរបស់ Heard មានត្រឹមតែប្រហែល ចន្លោះពី ១លានកន្លះ ទៅ ២លានកន្លះដុល្លារទែប៉ុណ្ណោះ ដែលចំនួន​នេះ​តិច​ពេក​ បើ​ធៀប​នឹង​សំណង​ដែល​តារា​ស្រី​ត្រូវសងលើ​អតីត​ស្វាមី។

នៅលើ CBS News មេធាវី Spurgeon បានចែករំលែកថា Heard អាចដាក់ពាក្យសុំក្ស័យធន។ ហេតុដូច្នេះ នាង​បាន​រួច​ផុត​ពី​ការ​ខូចខាត​ចំនួន ១០ លាន​ដុល្លារ។ ទោះជាយ៉ាងណាក៏ដោយ Heard នៅតែត្រូវបង់ប្រាក់ចំនួន ៣៥ម៉ឺនដុល្លារ ក្នុងការខូចខាតដាក់ទណ្ឌកម្មដូច្នេះដែរ៕

ប្រភព៖ zingnews.vn

សូមទស្សនារូបភាពខាងក្រោម៖

• តារាអន្តរជាតិ