ស្ងាត់ៗ Jang Nara សម្រេចរៀបការជាមួយគូស្នេហ៍ហើយ

កូរ៉េខាងត្បូង៖ មកទល់នឹងពេលនេះ ក្រៅពីអាជីពសិល្បៈហើយ រឿងរ៉ាវផ្ទាល់ខ្លួនរបស់ តារាស្រី Jang Nara ក៏ត្រូវបានគេចាប់អារម្មណ៍ដូចគ្នា បន្ទាប់ពីម្ចាស់ខ្លួន បានរស់នៅក្នុងជីវិតលីវ រហូតដល់អាយុ ៣៩ ឆ្នាំ និងតែងតែបានគិតថា នាងនឹងមិនរៀបការនោះទេ ព្រោះតែត្រូវប្រឹងប្រែងធ្វើការ។

ប៉ុន្តែ ថ្មីៗនេះ ស្រាប់តែមានដំណឹងដ៏ភ្ញាក់ផ្អើលពីតារាស្រីរូបនេះ ដោយកាល​ពី​ថ្ងៃ​ទី ​៣ ខែ​មិថុនា កន្លងទៅ ខាងសារព័ត៌មាន Joy News 24 បាន​ចុះ​ផ្សាយ​ថា តារាសម្ដែងស្រី Jang Nara នឹងបាន​ក្លាយ​ជា​កូនក្រមុំ​ នៅក្នុង​ខែ​មិថុនានេះហើយ ហើយអនាគត​ស្វាមីរបស់តារាស្រីរូបនេះ ក៏​មិន​មែន​ជា​អ្នក​សិល្បៈនោះ​ទេ ថែមទាំងមានអាយុក្មេង​ជាង​នាងរហូតដល់ទៅ ៦ ឆ្នាំ ទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

មិនត្រឹមតែប៉ុណ្ណោះ រឿងរ៉ាវរបស់តារាស្រីរូបនេះ ត្រូវបានគេដឹងថា អ្នកទាំងពីរ បានទាក់ទងគ្នា អស់រយៈពេល២ឆ្នាំ មុនពេលរៀបការ ទៅហើយ ហើយរូបនាង​ ក៏បាន​ចែករំលែក​ថា នាងស្រឡាញ់​ស្នាមញញឹម ភាព​ស្មោះ​ត្រង់ និង​ចិត្ត​សប្បុរស​របស់​គូស្នេហ៍នាង ផងដែរ៕ 

ប្រភព៖ Zingnews

សូមទស្សនារូបភាពខាងក្រោម៖

• តារាកូរ៉េ