ពិធីករ​ ដែលចាស់ជាងគេបំផុតលើពិភពលោក Song Hae ទទួល​ម.រ.ណ.ភាព​ហើយ ក្នុងវ័យ៩៥ ឆ្នាំ

កូរ៉េខាងត្បូង៖ យោងតាមរបាយការណ៍របស់ប៉ូលីសកាលពីថ្ងៃទី ៨ ខែមិថុនា ពិធីករទូរទស្សន៍ជើងចាស់ Song Hae មានឈ្មោះពិត Song Bok Hee បានទទួលម.រ.ណភាពនៅព្រឹកថ្ងៃទី ៨ ខែមិថុនា KST ក្នុងជន្មាយុ ៩៥ ឆ្នាំ។

តាមប្រភពដដែល Song Hae ត្រូវ​បាន​គេ​រក​ឃើញ​ថា​បាន​ផុតដង្ហើម ​នៅ​ផ្ទះ​របស់​លោក បន្ទាប់​ពី​ជួប​បញ្ហា​សុខភាព​ជា​ច្រើន​ក្នុង​រយៈ​ពេល​ប៉ុន្មាន​ខែ​កន្លង​មក​នេះ។ ជាក់ស្តែង Song Hae លោកបានប្រកាសចូលនិវត្តន៍ ជាពិធីករទូរទស្សន៍ក្នុងឆ្នាំនេះ ដែលកំពុងស្ថិតក្នុងដំណើរការពិភាក្សាអំពីកាលបរិច្ឆេទចូលនិវត្តន៍ តែជាះអកុសល ដំណឹង​នៃ​ការ​ស្លាប់​ភ្លាមៗ ​របស់​លោក ​ត្រូវ​បាន​គេ​ប្រាប់​នៅ​ថ្ងៃ​នេះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកថា Song Hae ដែលបានបង្ហាញខ្លួនជាលើកដំបូងតាមទូរទស្សន៍ក្នុងឆ្នាំ ១៩៥៥ ក៏ត្រូវបានចុះបញ្ជីជា «ពិធីករកម្មវិធីទូរទស្សន៍ដែលមានទេពកោសល្យតន្ត្រីចំណាស់ជាងគេបំផុតរបស់ពិភពលោក» នៅក្នុង «Guinness Book of World Records» កាលពីដើមឆ្នាំនេះក្នុងនាមជាពិធីករនៃកម្មវិធី «National Singing Contest» របស់ទូទស្សនិ៍ KBS1 ។

ក្នុងអាជីពជាពិធីករទូរទស្សន៍ Song Hae បានទទួលពានរង្វាន់ «Lifetime Achievement Award» នៅ KBS Entertainment Awards «Korean Culture and Arts Awards» និងនៅ Baeksang Arts Awards។ មិនត្រឹមតែប៉ុណ្ណោះ រូបលោក ក៏ទទួលបាន «ងារជាលំដាប់នៃគុណធម៌វប្បធម៌» ដែលផ្តល់ដោយប្រធានាធិបតីកូរ៉េខាងត្បូងទៀតផង៕

ប្រភព៖ Allkpop 

សូមទស្សនារូបភាពខាងក្រោម៖

• តារាកូរ៉េ