ណាហ្គាវើលដ៍ ផ្តល់រង្វាន់ជាទឹកប្រាក់ដល់អត្តពលិកមេដាយមាសកីឡាស៊ីហ្គេម!

រាជធានីភ្នំពេញ៖ ណាហ្គាវើលដ៍ បានផ្តល់រង្វាន់ដល់អត្តពលិកមេដាយមាស គ្រូបង្វឹក និងប្រតិភូគណៈកម្មការធិការជាតិអូឡាំពិកកម្ពុជាស្មើនឹងទឹកប្រាក់សរុប ៨៨.០០០$ (ប្រាំបីម៉ឺនប្រាំបីពាន់ដុល្លារអាម៉េរិក) ដែលជាផ្នែកមួយនៃកិច្ចព្រមព្រៀងឧបត្ថម្ភ “ណាហ្គាវើលដ៍ឆ្ពោះទៅរកមេដាយមាស” ជាមួយគណៈកម្មការធិការជាតិអូឡាំពិកកម្ពុជា ខណៈកាលពីស៊ីហ្គេមឆ្នាំ២០១៩ ណាហ្គាវើលដ៍បានឧបត្ថម្ភដល់អត្តពលិកមេដាយមាសសរុប ៣៦.០០០$ (បីម៉ឺនប្រាំមួយពាន់ដុល្លារអាមេរិក)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រទេសកម្ពុជា បានឈ្នះមេដាយច្រើនបំផុតបំបែកឯតទគ្គកម្មរបស់ខ្លួនក្នុងព្រឹត្តិការណ៍កីឡាស៊ីហ្គេមលើកទី៣១ ក្នុងពេលថ្មីៗនេះដោយរកបានមេដាយមាស ៩ គ្រឿង ប្រាក់ ១៣ គ្រឿង និងសំរឹទ្ធិ ៤១ គ្រឿង ដែលសរុបស្មើនឹងមេដាយ ៦៣ គ្រឿង។ កាលពីស៊ីហ្គេមលើកទី៣០ ក្នុងឆ្នាំ២០១៩ កម្ពុជាបានឈ្នះមេដាយមាស ៤ គ្រឿង ប្រាក់ ៦ គ្រឿង និងសំរឹទ្ធិ ៣៦ គ្រឿង រីឯស៊ីហ្គេមលើកទី៣១ អត្តពលិកកម្ពុជាបានឈ្នះមេដាយមាស ៩ គ្រឿងក្នុងវិញ្ញាសាឃីកបុកស៊ីងប្រភេទទម្ងន់ ៥៧ គីឡូក្រាម ប៉េតង់វាយគូចម្រុះបុរសនារី២នាក់ទល់២នាក់ ប៉េតង់៣នាក់ទល់៣នាក់នារី តៃក្វាន់ដូប្រភេទទម្ងន់ក្រោម៧៤គីឡូក្រាម វ៉ូវីណាមសម្តែងការពារខ្លួនចម្រុះនារី១បុរស៣មានអាវុធ វ៉ូវីណាមបុរសប្រភេទទម្ងន់៦៥គីឡូក្រាម វ៉ូវីណាមសម្តែងជាក្រុមការពារខ្លួនកាំបិតធំបុរស២នាក់ ចំបាប់បុរសប្រភេទទម្ងន់១២៥គីឡូក្រាម និងប្រដាល់គុនខ្មែរទម្ងន់៦៣,៥គីឡូក្រាម។  

ពិធីប្រគល់រង្វាន់នេះ មានការចូលរួមពីគណៈអធិបតីឯកឧត្តមបណ្ឌិត ថោង ខុន រដ្ឋមន្ត្រីក្រសួងទេសចរណ៍ និងជាប្រធានគណៈកម្មាធិការជាតិអូឡាំពិកកម្ពុជា និងឯកឧត្តម វ៉ាត់ ចំរើន អគ្គលេខាធិការនៃគណៈកម្មាធិការជាតិអូឡាំពិកកម្ពុជា។

ឯកឧត្តមបណ្ឌិត ថោង ខុន បានមានប្រសាសន៍ថា៖

សូមបញ្ជាក់ថា កិច្ចព្រមព្រៀងឧបត្ថម្ភ “ណាហ្គាវើលដ៍ឆ្ពោះទៅរកមេដាយមាស” ជាមួយគណៈកម្មាធិការជាតិអូឡាំពិកកម្ពុជា បានចាប់ផ្តើមក្នុងឆ្នាំ២០១១ ហើយមកដល់បច្ចុប្បន្នមានរយៈពេល ១០ ឆ្នាំ។ ក្នុងកិច្ចព្រមព្រៀងនោះ ណាហ្គាវើលដ៍នឹងផ្តល់រង្វាន់ជាទឹកប្រាក់ដល់អត្តពលិកមេដាយមាសឯកត្តជនចំនួន ៦.០០០$ (ប្រាំមួយពាន់ដុល្លារអាម៉េរិក) អត្តពលិកមេដាយមាសក្រុម ១០.០០០$ (មួយម៉ឺនដុល្លារអាម៉េរិក) រីឯគ្រូបង្វឹកទទួលបាន ១.០០០$ (មួយពាន់ដុល្លារអាម៉េរិក) ហើយគណៈកម្មាធិការជាតិអូឡាំពិកកម្ពុជាទទួលបាន ១.០០០$ (មួយពាន់ដុល្លារអាម៉េរិក) សម្រាប់មេដាយមាសដែលអត្តពលិកបានឈ្នះ។

គួរដឹងផងដែរថា ណាហ្គាវើលដ៍នឹងបន្តគាំទ្រដល់ការលើកកម្ពស់ និងអភិវឌ្ឍវិស័យកីឡាក្នុងប្រទេសកម្ពុជាដោយមានកម្មវិធីសហគមន៍ជាច្រើនផ្តួចផ្តើមឡើងដោយណាហ្គាវើលដ៍បេះដូងសប្បុរស ដែលជាផ្នែកការងារសង្គមរបស់ក្រុមហ៊ុនណាហ្គាវើលដ៍។ ណាហ្គាវើលដ៍ក៏បានឧបត្ថម្ភដោយផ្ទាល់ដល់ក្រុមជម្រើសជាតិ និងការរៀបចំការប្រកួតបាល់ទាត់ កីឡាតេន្នីស ឃីកបុកស៊ីង បាល់ឱប បាល់ទះ ក្បាច់គុនចម្រុះ និងការប្រកួតជាច្រើនទៀតផងដែរ។ ការចូលរួមទាំងនេះ បានជួយបង្កើនគុណភាពនៃការប្រកួតលក្ខណៈជាតិ តំបន់ និងអន្តរជាតិឲ្យកាន់តែខ្លាំងមួយកម្រិតទៀតដល់អត្តពលិករបស់ព្រះរាជាណាចក្រកម្ពុជា។

អំពីផ្នែកការងារសង្គមណាហ្គាវើលដ៍បេះដូងសប្បុរស

ណាហ្គាវើលដ៍បេះដូងសប្បុរស ត្រូវបានបង្កើតឡើងក្នុ​ងខែមីនា ឆ្នាំ​ ២០១៤ ដោយបុគ្គលិកដែលមានការគាំទ្រពីក្រុមហ៊ុនដើម្បីលើកកម្ពស់ការធ្វើការស្ម័គ្រចិត្តសម្រាប់សង្គមកម្ពុជាដោយផ្តោតទៅលើសសរស្តម្ភសំខាន់ ៤ គឺការលើកកម្ពស់វិស័យអប់រំ ការផ្សារភ្ជាប់ជាមួយសហគមន៍ ការអភិវឌ្ឍវិស័យកីឡា និងការគាំពារបរិស្ថាន។ មកដល់បច្ចុប្បន្ន មានប្រជាជនកម្ពុជាជាង ៤៥៤.០០០ នាក់បានទទួលប្រយោជន៍ពីកម្មវិធីទាំងនេះ។