ភ្នំពេញ៖ Cambodian Idol កំពុងក្លាយជាកម្មវិធីដ៏ពេញនិយមសម្រាប់ដើមឆ្នាំ2022 ដែលកំពុងមានការជជែក វែកញឺកជាច្រើនចំពោះបេក្ខជននីមួយៗដែលបានចូលរួមប្រឡង។
បេក្ខជនដ៏មានសមត្ថភាពជាច្រើនបានចេញមកបង្ហាញខ្លួនយ៉ាងគួរឲ្យចាប់អារម្មណ៍ក្នុងវគ្គ Judges Audition នេះជាបន្តបន្ទាប់។ ពេលនេះ វគ្គ Judge Audition បានធ្វើដំណើរមកដល់សប្តាហ៍ទី6 ដែលជាសប្តាហ៍ចុងក្រោយនៃវគ្គដំបូងនេះហើយ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សមុនទស្សនាសប្តាហ៍ចុងក្រោយនៃវគ្គ Judge Audition សូមលើកយកបេក្ខជនដ៏លេចធ្លោចំនួន 5រូប ក្នុងសប្តាហ៍នីមួយៗកន្លងមកយកបង្ហាញមានដូចជា៖
- ទី១ គឺបេក្ខនារី មាន នីតា ម្ចាស់បទ Cover ផ្លូវណាទៅផ្ទះម៉ែក្មេក ដែលផ្ទុះល្បីយ៉ាងខ្លាំងក្នុងពេលកន្លងទៅថ្មីៗនេះ។
- ទី២ គឺបេក្ខជន លឹម តិចម៉េង ដែលបានឆក់ការចាប់អារម្មណ៍មិនតិចឡើយតាមរយៈសំឡេងដ៏ក្រអួន ក្រអៅរបស់គេ។
- ទី៣ គឺបេក្ខនារីកូនកាត់អាមេរិក ស៊ឹម ម៉ាការ៉ាត់ពេជ្រចរណៃ នាងមិនត្រឹមតែមានសម្លេងពីរោះប្លែកនោះទេ ថែមទាំងមានរូបសម្រស់ស្រស់ស្អាត ហើយធ្លាប់ជាបវរកញ្ញាថែមទៀតផង។
- ទី៤ គឺបេក្ខជន ស៊ឹម ច័ន្ទពន្លឺ ជាគ្រូពេទ្យរូបសង្ហា មកបញ្ចេញសំឡេងក្នុងកម្មវិធីបងឡងចម្រៀងយ៉ាងជឿជាក់តែម្តង។
- ទី៥ គឺបេក្ខជន ណាន វីសារ បុរសបេះដូងកក់ក្តៅ បកស្រាយចម្រៀងវាយប្រហារចិត្តគណៈកម្មការ សុខ សីឡាលីន ឲ្យទប់ទឹកភ្នែកមិនជាប់។
ទាំង៥ខាងលើសុទ្ធតែជាបេក្ខជនដ៏លេចធ្លោប្រចាំសប្តាហ៍ ក្នុងវគ្គ Judge Audition រង់ចាំទស្សនា Cambodian Idol វគ្គ Judge Audition សប្តាហ៍ទី6 នឹងមកដល់ម៉ោង 8 យប់នេះនៅលើកញ្ចក់ទូរទស្សន៍ ហង្សមាស HDTV ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
