ខំសង្ឃឹម ស្វាមី Ady An បែរជាប្រគល់ទ្រព្យសម្បតិ្តទៅកូនស្រីម្នាក់នេះទៅវិញ

បរទេស៖ កាលពីថ្មីៗនេះ យោងតាមប្រភព Sinchew បានបង្ហាញឲ្យដឹងថា ជំនួសឱ្យការផ្ទេរទ្រព្យសម្បត្តិទៅភរិយា ដែលជាតារាសម្តែងស្រី Ady An រួមទាំងកូនពីរនាក់ទៀត ស្វាមីរបស់នាង បែរជាបានផ្ទេរទៅឱ្យកូនស្រីរបស់ខ្លួន ដែលកូនជាមួយនឹងអតីតប្រពន្ធ ដោយនៅក្នុងនោះដែរ គេបានដឹងទៀតថាមាន ចំនួន ២០ភាគរយ នៃភាគហ៊ុន ដែលមានតម្លៃសរុបប្រមាណ ៧ ពាន់លានយន់ (ប្រហែល១ពាន់លានដុល្លារ)។

ប៉ុន្តែទន្ទឹមនឹងនោះ តារាស្រី Ady An បានទទួលការផ្ទេរទ្រព្យសម្បត្តិពីស្វាមីរបស់នាង ដែលមានភាគហ៊ុនត្រឹមតែប្រហែលខ្ទង់ ១,៣ ពាន់លានយន់ (ប្រហែល ១៩២ លានដុល្លារ) តែប៉ុណ្ណោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ក្រោយលេចឮដំណឹងនេះ បានបង្កការភ្ញាក់ផ្អើលពេញបណ្ដាញសង្គម ខណៈដែលទស្សនិកជនភាគច្រើនបាននិយាយថា Ady An ពិតជាមានការអន់ចិត្ត ព្រោះតែស្វាមី មិនបានផ្ទេរទ្រព្យសម្បត្តិឲ្យនាងទេ ប៉ុន្តែបែរជាផ្ញើទ្រព្យសម្បត្តិភាគច្រើនទៅឲ្យកូនរបស់ខ្លួនទៅវិញ រហូតដល់មានការលើកឡើងទៀតថា ស្វាមីរបស់នាង ប្រហែលជា​ ​ខ្លាច​ថា​ប្រពន្ធ​របស់ខ្លួន ​អាច​នឹង​រក​បាន​សុភមង្គល​ថ្មី ​បន្ទាប់​ពី​រូបលោក ចូលទៅក្នុងព.ន្ធ.ធ.នា.គារ៕​

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន