ចង់បង្ការជំងឺញ័របេះដូង កុំរំលងតិចនិកងាយៗទាំងនេះ!

ញ័រជំងឺបេះដូង( Afib) អាចបណ្ដាលឲ្យបេះដូងលោតញាប់ និងខុសចង្វាក់។ អ្នកជំងឺអាចមានអារម្មណ៍អស់កម្លាំង វិលមុខ ខ្សោយ បែកញើស និងឈឺទ្រូង។ យ៉ាងណាមិញ យើងអាចការបង្ការជំងឺនេះបាន ដោយអនុវត្តតាមវិធីសាស្ត្រងាយៗខាងក្រោមនេះ។

១. ជៀសវាងញ៉ាំភេសជ្ជៈប៉ូវកម្លាំង

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពពួកភេសជ្ជៈប៉ូវកម្លាំង អាចបង្កើនហានិភ័យនៃជំងឺញ័របេះដូង ជាពិសេសនៅពេលលាយបញ្ចូលគ្នាជាមួយនឹងគ្រឿងស្រវឹង។ ចំណែកឯអាហារបំប៉នដែលមានជាតិកាហ្វេអ៊ីន ក៏មិនស័ក្ដិសមសម្រាប់អ្នកដែលមានជំងឺបេះដូងដែរ។

២. ញ៉ាំផ្លែចេក ឬអាហារសម្បូរជាតិប៉ូតាស្យូម

យោងតាមការស្រាវជ្រាវបានបង្ហាញថា ប្រសិនបើឈាមរបស់យើងមានកម្រិតជាតិប៉ូតាស្យូមទាប នោះយើងនឹងមានហានិភ័យខ្ពស់ក្នុងការកើតជំងឺញ័របេះដូង។ ហេតុនេះហើយ ដើម្បីបញ្ចៀសជំងឺញ័របេះដូង យើងគួរតែញ៉ាំផ្លែចេកជាប្រចាំ ពីព្រោះផ្លែឈើមួយប្រភេទនេះ ផ្ទុកទៅដោយជាតិប៉ូតាស្យូម និងសារធាតុចិញ្ចឹមល្អៗជាច្រើនសម្រាប់បេះដូង។ អាហារដែលមានជាតិប៉ូតាស្យូមខ្ពស់ដទៃទៀត រួមមានផ្លែប៊ឺរ សណ្ដែកខ្មៅ និងប័រសណ្ដែកដី ។

៣. ងូតទឹកត្រជាក់

ទន្ទឹមនឹងនេះដែរ ការងូតទឹកត្រជាក់ អាចជំរុញសរសៃប្រសាទ Vagal ដែលជួយឲ្យចង្វាក់បេះដូងរបស់យើងលោតយឺត។ ទោះបីជាស្អំទឹកកកនៅលើថ្ងាស ឬឈរនៅមុខទូរទឹកកកដែលបើកចំហ ក៏អាចជួយឲ្យចង្វាក់បេះដូងរបស់យើងលោតយឺតដូចគ្នា។

៤. ញ៉ាំរបបអាហារជំនួយបេះដូង

គន្លឹះដ៏ល្អបំផុតក្នុងការបង្ការជំងឺញ័របេះដូង គឺការញ៉ាំអាហារត្រឹមត្រូវ និងល្អសម្រាប់បេះដូង ដូចជាផ្លែឈើ បន្លែ គ្រាប់ធញ្ញជាតិទាំងមូល (Whole grains) និងពពួកប្រូតេអ៊ីនពីរុក្ខជាតិដូចជា សណ្ដែក និងគ្រាប់ផ្លែឈើ។ ម្យ៉ាងវិញទៀត យើងគួរបញ្ចៀសការញ៉ាំប្រៃ ឬផ្អែមពេក ឬពពួកខ្លាញ់ឆ្អែត។

៥. ធ្វើចលនារាងកាយ

ពិតណាស់ ការហាត់ប្រាណអាចធ្វើឲ្យបេះដូងរបស់យើងរឹងមាំ កាត់បន្ថយស្រ្តេស ស្រកទម្ងន់ និងជួយឲ្យអារម្មណ៍ល្អ។ ប្រសិនបើយើងហាត់ប្រាណជាប្រចាំនោះ យើងអាចនឹងហានិភ័យទាបក្នុងការកើតជំងឺញ័របេះដូងថែមទៀតផង។

៦. រក្សាជាតិទឹកក្នុងរាងកាយ

ក្នុងករណីដែលយើងស្រេកទឹក ហើយទឹកនោមរបស់យើងពណ៌លឿងចាស់ មានន័យថាយើងអាចនឹងកំពុងតែខ្វះជាតិទឹក ព្រមទាំងងាយប្រឈមនឹងជំងឺញ័របេះដូង។ ហេតុនេះហើយ យើងគួរតែញ៉ាំទឹកឲ្យបានយ៉ាងតិច៨កែវក្នុងមួយថ្ងៃ ទើបជាការប្រសើរ។

ចំណុចសំខាន់

ដើម្បីបង្ការពីជំងឺញ័របេះដូង គ្នាយើងអាចអនុវត្តវិធីសាស្រ្តងាយៗខាងក្រោមនេះ៖

ជៀសវាងញ៉ាំភេសជ្ជៈប៉ូវកម្លាំង
ញ៉ាំផ្លែចេក ឬអាហារសម្បូរជាតិប៉ូតាស្យូម
ងូតទឹកត្រជាក់
ញ៉ាំរបបអាហារជំនួយបេះដូង
ធ្វើចលនារាងកាយ
រក្សាជាតិទឹកក្នុងរាងកាយ

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ចង់បង្ការជំងឺញ័របេះដូង កុំរំលងតិចនិកងាយៗទាំងនេះ!

១. ជៀសវាង​ញ៉ាំ​​ភេសជ្ជៈ​ប៉ូវ​កម្លាំង​

២. ញ៉ាំ​ផ្លែ​ចេក ឬ​អាហារ​​សម្បូរ​ជាតិ​ប៉ូតាស្យូម​

៣. ងូត​ទឹក​ត្រជាក់​

៤. ញ៉ាំ​របប​អាហារ​ជំនួយ​បេះដូង

៥. ធ្វើ​ចលនា​រាងកាយ​

៦. រក្សា​ជាតិ​ទឹក​ក្នុង​រាងកាយ​