សូម្បីតែសារព័ត៌មានបរទេស ក៏សរសើរ ហង្ស ម៉ានីតា បែបនេះដែរ

កម្សាន្ត៖ ដូចដែលបានដឹងស្រាប់ហើយថា កាលពីថ្ងៃទី ១៥ ខែមិថុនាកន្លងទៅ កម្មវិធីប្រកួតបវរកញ្ញាចក្រវាលកម្ពុជាឆ្នាំ ២០២២ (Miss Universe Cambodia 2022) បានបញ្ចប់ទៅដោយរលូន និងបានរកឃើញម្ចាស់ម្កុដ ដែលជានារីដ៏ស្រស់សោភា កញ្ញា ហង្ស ម៉ានីតា ហើយរូបនាងនឹងតំណាងឲ្យប្រទេសកម្ពុជា ទៅចូលរួមប្រកួត បវរកញ្ញា​ចក្រវាល​ឆ្នាំ​២០២២ ដែល​ប្រព្រឹត្ត​ទៅ​នៅ​ចុង​ឆ្នាំ​នេះ។

ជាពិសេស សម្រាប់ការទទួលបានតំណែងជាម្ចាស់ម្កុដក្នុងឆ្នាំនេះ បានធ្វើឲ្យកញ្ញា ហង្ស ម៉ានីតា ទទួលបានការចាប់អារម្មណ៍ខ្លាំងពីមហាជនជាច្រើន ដោយសារតែសមត្ថភាព និងរូបសម្រស់កូនកាត់យ៉ាងលេចធ្លោរបស់នាងតែម្ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត ភាពលេចធ្លោរបស់នាង ក៏បានធ្វើឲ្យសារព័ត៌មានក្រៅប្រទេសមួយ បានចុះផ្សាយសរសើរពីភាពទាក់ទាញ និងបានរៀបរាប់ជាទូទៅ ទៅលើរូបសម្រស់ដ៏ស្រស់ស្អាតទាំងមុខមាត់និងរូបរាង ដែលរូបនាងជាកូនកាត់ខ្មែរបារាំង ដែលមានឪពុកជាជនជាតិបារាំង និងម្ដាយជាជនជាតិខ្មែរ។

លើសពីនេះ តាមរយៈសារព័ត៌មានមួយនេះ ​ថែមទាំងបានរៀបរាប់ពីចំណេះដឹង ក៏ដូចជាបទពិសោធពីមុនៗ មុននឹងគ្រងមកុដ ដោយរូបនាង​ ធ្លាប់បានឈ្នះជា Miss Tourism Cambodia ២០១៥។ កាលពីឆ្នាំ ២០១៦ នាងបានតំណាងឲ្យស្រុកកំណើតរបស់ខ្លួន ក្នុងការប្រលង Miss Tourism Metropolitan International ២០១៦ ហើយបានជាប់លំដាប់រងទី ២ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាខ្មែរ