ទើបការបានប៉ុន្មានថ្ងៃ Pancake ចេញមកទម្លាយជីវិតគូថា...

ថៃ៖ ចាប់តាំងពីបានរៀបការរួចកាលពីថ្ងៃទី ១០ ខែមិថុនា កន្លងទៅ ហ្វេនៗក៏ដូចជាទស្សនិកជនជាច្រើន កាន់តែចាប់អារម្មណ៍នឹង តារាស្រី Pancake រួមទាំងស្វាមីរបស់នាង ពីសកម្មភាពដ៏រីករាយផ្សេងៗដែលអ្នកទាំងពីរបានធ្វើរួមគ្នា ជាពិសេស ទៅលើជីវិតរស់នៅប្រចាំរបស់ពួកគេតែម្ដង។

យ៉ាងណាមិញ ថ្មីៗនេះ តារាស្រី Pancake ក៏បានសម្រេចចិត្ត ចេញមកលាតត្រដាងពីជីវិតក្រោយរៀបការរបស់ខ្លួន ដែលបានក្លាយជាភរិយាជាផ្លូវការ ទៅលើស្ថានភាពរស់នៅរបស់ខ្លួន និងស្វាមី ដោយបានរៀបរាប់ថា នាងនៅមិនទាន់ស៊ាំនឹងនាមជាប្រពន្ធនៅឡើយទេ រួមទាំងពេល​សួរ​នាំ​គ្នា​ មើល​ទៅ​ហាក់ដូចជាច្របូកច្របល់ ទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែអ្វីដែលគួរឲ្យចាប់អារម្មណ៍នោះគឺ តារាស្រីរូបនេះ បានបញ្ជាក់ពី ការមើលថែរក្សាគ្នាទៅវិញទៅមក កាន់តែច្រើនឡើង ក៏ដូចជាសួរនាំ​ពីការ​ញ៉ាំ​អី ដើម្បី​ឲ្យ​​រៀបចំ​ឲ្យ​ស្វាមី រួមទាំងមាន​រឿង​ជា​ច្រើន​ដែលអ្នកទាំងពីរ​ត្រូវ​ពិភាក្សា និង​ព្យាយាម​ធ្វើ​ឱ្យ​គ្រប់​យ៉ាង ​មិន​ខុស​ពី​ពេល​មុន​ឡើយ ស្របពេលដែលរស់នៅក្នុង​គ្រួសារ​ធំ​មួយ ពួកគេក៏ត្រូវកែ​សម្រួល​ទៅលើរឿង​មួយ​ចំនួន ផងដែរ៕

ប្រភព៖ Khaosod

សូមទស្សនារូបភាពខាងក្រោម៖ 

• តារាថៃ