ក្បែរ៥០ឆ្នាំហើយ សម្រស់ ចៀវៃ កាន់តែស្រស់ខ្លាំង

តៃវ៉ាន់៖ ថ្មីៗនេះ តារា​សម្ដែងស្រី Ruby Lin បានធ្វើ​ឱ្យ​អ្នក​លេង​អ៊ីនធឺណិត​ជាច្រើន ផ្ទុះការចាប់អារម្មណ៍ នឹងសម្រស់របស់តារាស្រីរូបនេះ និងបានសរសើរពីភាពវ័យក្មេង មិនចេះចាស់ ក្រោយពីបង្ហាញខ្លួន តែងម៉ូតសក់ខ្លី ក្នុងវីដេអូផ្សព្វផ្សាយមួយ។

លើសពីនេះ អ្វី​ដែល​កាន់តែធ្វើឲ្យហ្វេនៗយកចិត្តទុកដាក់នោះគឺ នៅក្នុងរូបភាពប៉ុន្មានសន្លឹក ដែលបានបង្ហាញនៅលើទំព័រផ្ទាល់ខ្លួន ​តារាស្រីរូបនេះ បានមកជាមួយនឹងស្ទាយ៍តែងខ្លួនយ៉ាងទាន់សម័យ អាវស សំពត់ខ្លី ​ដែលមើលទៅកាន់តែបង្កើនសម្រស់​ក្មេង​ជាង​វ័យ​ និងមើលឃើញពី​ស្បែក​ភ្លឺ​មាន​សុខភាព​ល្អ ថែមទៀត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត តាមរយៈស្ទាយ៍ដ៏លេចធ្លោមួយនេះ អាចនិយាយបានថា ស្ទើរតែគ្មានអ្នកណាអាចជឿបានទេថា Ruby Lin មានអាយុ ៤៦ឆ្នាំក្នុងឆ្នាំនេះទៅហើយ តែនាងបែរជាមើលទៅដូចជាមានវ័យទើបតែ ៣០ឆ្នាំជាងតែប៉ុណ្ណោះ ដែលកំពុងតែធ្វើឲ្យនាង ទទួលបានការសរសើរជាច្រើនអំពីសម្រស់ក្នុងស្ទាយ៍បែបយុវវ័យ ជាមួយនឹងការរក្សារាង និងមន្តស្នេហ៍យ៉ាងខ្លាំង៕

ប្រភព៖ Ngoisao.vn

សូមទស្សនារូបភាពខាងក្រោម៖ 

• តារាចិន