ទំពាំងបារាំងសម្បូររ៉ែ និងវីតាមីន ស្រ្តីពពោះ និងកូនក្នុងផ្ទៃត្រូវការ!

អំឡុងពេលពពោះ ស្ត្រីៗយើងតែងតែត្រូវការសារធាតុចិញ្ចឹមគ្រប់គ្រាន់ ដើម្បីទ្រទ្រង់សុខភាពទាំងម្ដាយ និងទារក។ ពិតណាស់ បន្លែ និងផ្លែឈើមានគុណប្រយោជន៍ជាច្រើនដល់ម៉ាក់ៗ ជាមួយនឹងវីតាមីនដ៏សម្បូរបែប។ យ៉ាងណាមិញ បន្លែ និងផ្លែឈើមួយចំនួនក៏អាចមានផលប៉ះពាល់នៅអំឡុងពេលនេះដែរ ដូច្នេះហើយម៉ាក់ៗត្រូវមានការប្រុងប្រយ័ត្នឲ្យបានដិតដល់។ ចំពោះទំពាំងបារាំង គឺមានសុវត្ថិភាព១០០%ទាំងនៅអំឡុងពេលមានគភ៌ និងបំបៅដោះកូន។

អត្ថប្រយោជន៍សុខភាពអំឡុងពេលពពោះ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពិតណាស់ ទំពាំងបារាំងគឺជាបន្លែជំនួយដល់សុខភាព ដែលផ្ទុកទៅដោយវីតាមីនជាច្រើន ប៉ុន្តែវាស្ទើរតែពុំមានជាតិខ្លាញ់ ឬកាឡូរីឡើយ ជាពិសេស សារធាតុចិញ្ចឹមដែលមាននៅក្នុងទំពាំងបារាំងគឺល្អខ្លាំងសម្រាប់ទារកក្នុងផ្ទៃដែលកំពុងតែលូតលាស់។

១. វីតាមីនK

វីតាមីននេះមានសារសំខាន់ទាំងចំពោះម្ដាយ និងទារកនៅអំឡុងពេលពពោះ។ វាអាចជួយបញ្ចៀសធ្លាក់ឈាមខ្លាំង អំឡុងពេលសម្រាល។ ទំពាំងបារាំងជាប្រភពនៃវីតាមីនK ប៉ុន្តែវាមិនអាចកកើត ឬនៅក្នុងរាងកាយរបស់យើងរយៈពេលយូរនោះទេ ដូច្នេះហើយ ម៉ាក់ៗគប្បីញ៉ាំវាជារៀងរាល់ថ្ងៃទើបជាការប្រសើរ។

២. ហ្វូឡេត

ជាមួយគ្នានេះដែរ ហ្វូឡេត គឺមានសារធាតុចិញ្ចឹមដ៏សំខាន់បំផុតមួយក្នុងអំឡុងពេលមានគភ៌។ វាមានគុណប្រយោជន៍ជួយដល់ការវិវត្តបំពង់សរសៃប្រសាទរបស់ទារក (baby’s neural tube)។ ការញ៉ាំហ្វូឡេតដែលមាននៅក្នុងអាហារគ្រប់គ្រាន់ ជាពិសេស នៅអំឡុងពេលទើបពពោះ វាអាចកាត់បន្ថយហានិភ័យនៃជំងឺបំពង់សរសៃប្រសាទ (neural tube disorder) ដូចជាជំងឺប្រព័ន្ធប្រសាទខួរឆ្អឹងខ្នង (spina bifida) ជាដើម។ គ្រាន់តែទំពោះបារាំងប្រហែល១១០ក្រាមប៉ុណ្ណោះក៏មានផ្ទុកហ្វូឡេត១៣៤មីក្រូក្រាម ឬប្រហែល៣៤ភាគរយនៃតម្លៃដែលបានណែនាំប្រចាំថ្ងៃ។

៣. កាល់ស្យូម

បន្ថែមពីនេះ ទំពាំងបារាំងប្រហែល១១០ក្រាមក៏មានផ្ទុកប្រភពកាល់ស្យូមច្រើនជាង២០មិល្លីក្រាមផងដែរ។ ទោះបីជាវាមិនសូវច្រើនក៏ពិតមែន ប៉ុន្តែវាក៏មានគុណតម្លៃចូលរួមជួយដល់ឆ្អឹងទារកឲ្យមានសុខភាពល្អ និងរឹងមាំ។

៤. ជាតិសរសៃ

ទំពាំងបារាំងក៏ជាប្រភពនៃជាតិសរសៃរលាយផងដែរ ដែលជួយសម្រួលដល់ការបន្ទោបង់ជាទៀងទាត់។ ដោយសារតែបញ្ហាទល់លាមកគឺច្រើនតែកើតមានអំឡុងពេលមានគភ៌ ដូច្នេះហើយ ម៉ាក់ៗអាចបន្ថែមទំពាំងបារាំងទៅក្នុងរបបអាហារដើម្បីជៀសវាងបញ្ហាមួយនេះ។

ផលប៉ះពាល់នៃការញ៉ាំទំពាំងបារាំងលើសកម្រិត

ជាក់ស្ដែង ទោះបីជាយើងញ៉ាំទំពាំងបារាំងច្រើន ក៏វាមិនបង្កឲ្យមានគ្រោះថ្នាក់ដែរ។ ប៉ុន្តែ ប្រសិនបើម៉ាក់ៗកំពុងតែជួបប្រទះបញ្ហាហ្គាសក្នុងពោះអំឡុងពេលពពោះ ទំពាំងបារាំងមិនមែនជាជម្រើសល្អឡើយ ពីព្រោះវាមានជាតិសរសៃច្រើន ដែលអាចធ្វើឲ្យយើងមានហ្គាសកាន់តែច្រើន។ ម្យ៉ាងវិញទៀត ទំពាំងបារាំងក៏អាចបណ្ដាលឲ្យទឹកនោមមានក្លិនខ្លាំង។ ប្រសិនបើម៉ាក់ៗមានអាការៈចង់ក្អួតដោយសារតែអ័រម៉ូនពពោះ ចូរជៀសវាងបន្លែមួយប្រភេទនេះ រហូតដល់ម៉ាក់ៗអាចទប់ទល់នឹងក្លិនខ្លាំងបាន។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ទំពាំង​បារាំង​សម្បូររ៉ែ និងវីតាមីន ស្រ្តីពពោះ និងកូនក្នុង​ផ្ទៃត្រូវការ!

​​​អត្ថប្រយោជន៍​សុខភាព​អំឡុង​ពេល​ពពោះ​

១. វីតាមីន​K

២. ហ្វូឡេត

៣. កាល់ស្យូម​

៤. ជាតិ​សរសៃ​

ផល​ប៉ះពាល់​នៃ​ការ​ញ៉ាំ​ទំពាំង​បារាំង​លើស​កម្រិត​

In Case You Missed It