ប្រើContact Lensរាល់ថ្ងៃ ដឹងអត់ថាមានហានិភ័យអ្វីខ្លះ?

ការ​ពាក់​Contact Lens អាច​ធ្វើ​ឲ្យ​យើង​ប្រឈម​នឹង​ជំងឺ​ភ្នែក​ធ្ងន់ធ្ងរ​មួយ​ចំនួន​ រួម​មាន​ការ​ឆ្លង​មេរោគ និង​​ដំបៅ​កញ្ចក់​ភ្នែក។ ជាក់​ស្ដែង ស្ថានភាព​ទាំង​នេះ​អាច​វិវត្តន៍​យ៉ាង​ឆាប់​រហ័ស និង​ធ្ងន់ធ្ងរ ព្រម​ទាំង​អាច​នាំ​ឲ្យ​ពិការ​ភ្នែក​ថែម​ទៀត​ផង​។

បើ​យើង​ប្រឈម​នឹង​រោគសញ្ញា​រលាក​ ឬ​ឆ្លង​មេរោគ​ភ្នែក​ យើង​គួរ​តែ៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

• ដក​Lens​ចេញ​ពី​ភ្នែក​ភ្លាម​ៗ និង​មិន​ត្រូវ​ដាក់​ចូល​ក្នុង​ភ្នែក​វិញ​ឡើយ​។
• ពិគ្រោះ​ជាមួយ​នឹង​អ្នក​ជំនាញ​ផ្នែក​សុខភាព​ភ្នែក​ភ្លាម​ៗ
• រក្សា​ទុក​Lens​ ដើម្បី​ឲ្យ​គ្រូពេទ្យ​ធ្វើការ​វាយ​តម្លៃ

រោគសញ្ញា​នៃ​ការ​រលាក​ ឬ​ការ​បង្ក​រោគ​នៅ​ភ្នែក​

• ចេញ​ទឹក​ភ្នែក​ច្រើន​ជ្រុល​
• ប្រតិកម្ម​ខ្លាំង​ទៅ​នឹង​ពន្លឺ​
• រមាស់​ ក្រហាយ
• ភ្នែក​ក្រហម​
• ព្រិល​ភ្នែក​
• ហើម​ និង​ឈឺចាប់

គន្លឹះ​កាត់បន្ថយ​ហានិភ័យ​​នៃ​ការ​ឆ្លង​មេរោគ

• សម្អាត​ និង​សម្លាប់​មេរោគ​Lenses មុន​ពេល​ប្រើប្រាស់
• ដោះ​Contact Lenses​ចេញ មុន​ពេល​ហែល​ទឹក​
• ផ្លាស់ប្ដូរ​​ប្រអប់​ដាក់Contact Lenses​ ជា​រៀង​រាល់​៣​ខែ​ម្ដង

ហានិភ័យ​ផ្សេង​ទៀត​នៃContact Lenses​ ​​​

• ​រលាក​ភ្នែក​
• រហែក​កញ្ចក់​ភ្នែក​
• ភ្នែក​ក្រហម

ចំណុចសំខាន់

ការ​ពាក់​Contact Lens អាច​ធ្វើ​ឲ្យ​យើង​ប្រឈម​នឹង​ជំងឺ​ភ្នែក​ធ្ងន់ធ្ងរ​មួយ​ចំនួន​ រួម​មាន​ការ​ឆ្លង​មេរោគ និង​​ដំបៅ​កញ្ចក់​ភ្នែក។ ជាក់​ស្ដែង ស្ថានភាព​ទាំង​នេះ​អាច​វិវត្តន៍​យ៉ាង​ឆាប់​រហ័ស និង​ធ្ងន់ធ្ងរ ព្រម​ទាំង​អាច​នាំ​ឲ្យ​ពិការ​ភ្នែក​ថែម​ទៀត​ផង​។ហានិភ័យ​ផ្សេង​ទៀត​​​មាន​ដូចជា​ រលាក​ភ្នែក រហែក​កញ្ចក់ ​ភ្នែក​ភ្នែក​ក្រហម

ក្នុងករណី​មាន​សំណួរ ឬ​មន្ទិលសង្ស័យ​ជុំវិញ​សុខភាព​អ្នក ជម្រើស​ល្អ​បំផុត សូម​ពិគ្រោះ និង​ប្រឹក្សា​យោបល់​ផ្ទាល់​ជាមួយ​ពេទ្យ​ជំនាញ។ Hello Health Group មិន​ចេញ​វេជ្ជបញ្ជា មិន​ធ្វើ​រោគវិនិច្ឆ័យ ឬ​ព្យាបាល​ជូន​ទេ៕ 

អត្ថបទផ្ដល់សិទ្ធិដោយ Hello Krupet