ជីវិតរៀបការលេីកទី២ របស់សាន់ឆាយ ទោះមិនធំដំុ ក៏មានន័យ

តៃវ៉ាន់៖ អាចនិយាយបានថា Barbie Hsu គឺជាតារាស្រីមួយដួង ដែលតែងតែទាញយកចំណាប់អារម្មណ៍ពីហ្វេនៗជាច្រើន ជាពិសេស ទៅលើពិធីមង្គលការថ្មីរបស់នាង ជាមួយនឹង លោក DJ Koo តែម្ដង។

យ៉ាងណាមិញ នៅក្នុងការរៀបចំជាលើកទី២នេះ​ ត្រូវបានគេមើលឃើញថា នៅក្នុងពិធីរបស់ Barbie Hsu ព្រមទាំងស្វាមីថ្មី គឺគ្រាន់តែរៀបចំតាមបែបសាមញ្ញ និងមានពិធីជប់លៀងនៅផ្ទះតែប៉ុណ្ណោះ ដោយមិនបានសូម្បីតែស្លៀករ៉ូបអាពាហ៍ពិពាហ៍ ដែលមើលទៅមានភាពខុសគ្នា បើប្រៀបធៀបទៅនឹងពិធីមង្គលការដ៏ធំលើកទីមួយរបស់នាងជាមួយនឹង អតីតស្វាមី។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លើសពីនេះ ខាងប្រព័ន្ធផ្សព្វផ្សាយតៃវ៉ាន់ បានរាយការណ៍ថា Barbie Hsu គ្រាន់តែអញ្ជើញសាច់ញាតិ និងមិត្តភក្តិជិតស្និទ្ធមកជប់លៀងនៅផ្ទះរបស់នាងតែប៉ុណ្ណោះ បន្ទាប់ពីនាងបានចុះបញ្ជីអាពាហ៍ពិពាហ៍ ដោយជោគជ័យ ដែលខុសពីលើកទីមួយ ដែលតារាស្រីរូបនេះ បានស្លៀករ៉ូបអាពាហ៍ពិពាហ៍ថ្លៃៗរបស់ម៉ាកល្បីៗលំដាប់អន្តរជាតិ ព្រមទាំងមានពិធីដ៏ថ្លៃថ្លានៅលើកោះសាន់យ៉ា ទៀតផង។ តែទោះជាយ៉ាងណាក្ដី នៅក្នុងពិធីដ៏សាមញ្ញជាលើកទី២របស់នាង បានបង្ហាញឲ្យឃើញពីក្ដីសុខ និង​ស្នាម​ញញឹម​ ប្រកបដោយភាពរីករាយកក់ក្ដៅ ជាមួយនឹងមនុស្សជាទីស្រលាញ់ ផងដែរ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន