ស្របពេលមានក្ដីសុខហើយ អតីតស្វាមី សាន់ឆាយ បែរជា...

ចិន៖ ក្រោយពីតារាសម្ដែងស្រី Barbie Hsu បានបើកបង្ហាញពីទិដ្ឋភាពដ៏រីករាយ ក្នុងរូបភាពពេលរៀបការជាមួយនឹងស្វាមីថ្មីរួច ស្រាប់តែអតីតស្វាមីរបស់នាង លោក Wang Xiaofei បានសម្ដែងការសោកស្ដាយ ពេលដែលបានឃ្លាតឆ្ងាយពីកូនៗ អស់ពេលយ៉ាងយូរទៅហើយ។

នៅក្នុងនោះដែរ អ្នកជំនួញលោក Wang Xiaofei ដែលត្រូវបានគេស្គាល់ថា ជាអតីតស្វាមី Barbie Hsu បានចូលរួមពិធីបើកភោជនីយដ្ឋានថ្មីនៅទីក្រុងប៉េកាំងកាលពីចុងសប្តាហ៍កន្លងទៅនេះ ក៏មានវីដេអូមួយដែលរូបលោក បានពរទារកម្នាក់យ៉ាងសប្បាយរីករាយ ហើយថែមទាំងប្រាប់ឪពុកម្តាយរបស់ក្មេងប្រុសតូចនេះថា ខ្លួនមិនបានចិញ្ចឹមកូនពីរនាក់យ៉ាងយូរមកហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាពិសេស តាមរយៈនោះ ទឹក​មុខ​របស់​លោក ថែមទាំង​បាន​បង្ហាញ​ពី​អារម្មណ៍​ជា​ច្រើន ដែលធ្វើ​ឲ្យ​អ្នក​ទស្សនា​ មានអារម្មណ៍អាណិត ហើយពេលវេលាចុងក្រោយដែល លោក Wang Xiaofei បានជួបកូនទាំងពីរគឺ កាលពីដើមឆ្នាំមុន នៅពេលដែលលោក បានទៅតៃវ៉ាន់ដើម្បីបញ្ចប់នីតិវិធីលែងលះជាមួយអតីតភរិយា៕ 

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន