ឡូយមែនទែន! បេក្ខជន៤រូបនេះ ចេញមកអង្រួនវគ្គ Theater Round ជុំទី1 ឱ្យអ្នកទស្សនាចាប់អារម្មណ៍យ៉ាងខ្លាំងព្រោះតែ...! (មានីដេអូ)

ភ្នំពេញ៖ កម្មវិធីប្រឡងចម្រៀងលំដាប់ថ្នាក់ពិភពលោក Cambodian Idol រដូវកាលទី 4 នៅតែបន្តក្នុងវគ្គ Theater Round ជុំទី1 ហើយ ដែលបេក្ខភាពដែលឈានមកដល់វគ្គនេះ គឺសុទ្ធតែមានសមត្ថភាពខ្ពស់ ដែលអាចច្រៀងចម្រៀងបានពិរោះៗផងដែរ តែនៅក្នុងវគ្គមួយនេះបេក្ខជនបេក្ខនារីត្រូវធ្វើការបញ្ចេញសមត្ថភាពម្តងទៀត ដោយលើកនេះត្រូវច្រៀងជាក្រុម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

បេក្ខភាពទាំងអស់មានសមត្ថភាពប្រហែលគ្នា តែអ្នកទស្សនាបានចាប់អារម្មណ៍ទៅលើបេក្ខភាពទាំង ៤ រូប ដែលបានជ្រើសរើសបទចម្រៀងជាភាសាអង់គ្លេសដើម្បីមកប្រកួតប្រជែង ដែលមួយក្រុមនេះមានឈ្មោះ ពន្លឺ – ពិសី – តារា និងកញ្ញា ចរណៃ ដោយបកស្រាយចម្រៀងមួយបទក្រោមចំណងជើងថា “You Are The Reason” បានយ៉ាងពីរោះរណ្តំ ស្តាប់ទៅចម្រៀងម្ចាស់ដើមអ៊ីចឹង ដែលបានធ្វើអោយគណៈកម្មការំភើបជាខ្លាំង។

គ្រាន់តែច្រៀងចប់ភ្លាម ​គណៈកម្មការបានសរសើរអំពីទឹកដមសំណៀងរបស់បេក្ខភាពទាំងបួន ជាពិសេសគណៈកម្មការ សុគន្ធកញ្ញា ដែលអ្នកនាងពិតជាមានមោទនភាពមែនទែន ដែលកូនខ្មែរអាចមានច្រៀងចម្រៀងជាពិសេសអង់គ្លេសបានយ៉ាងល្អបែបនេះ៕