អ្នកខ្វះគ្រាប់ឈាមក្រហម អាចសាកល្បងអាហារទាំង ៣ប្រភេទនេះ!

របបអាហារមានសារសំខាន់ណាស់ ក្នុងការជួយបង្កើនការផលិតកោសិកាគ្រាប់ឈាមក្រហម ជាពិសេសសម្រាប់អ្នកដែលជួបបញ្ហាខ្វះគ្រាប់ឈាមក្រហម ឬមានកោសិកាគ្រាប់ឈាមក្រហមតិចតួច ដោយសារកង្វះសារធាតុចិញ្ចឹម។ ប្រសិនបើយើងឧស្សាហ៍ប្រឈមនឹងបញ្ហាកោសិកាឈាមក្រហមទាប អមជាមួយនឹងរោគសញ្ញាដូចជា អស់កម្លាំង ខ្សោយ ដកដង្ហើមខ្លីៗ ចង្វាក់បេះដូងលោតញាប់ ឬវិលមុខ យើងគួរបំពេញបន្ថែមគ្រាប់ឈាមក្រហមជាមួយនឹងការញ៉ាំអាហារល្អៗទាំងនេះ។

១. អាហារសម្បូរជាតិដែក

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ខួរឆ្អឹងរបស់យើងត្រូវការជាតិដែក ដើម្បីបង្កើតHemoglobin ជាប្រូតេអ៊ីនដែលមានជាតិដែកនៅក្នុងកោសិកាគ្រាប់ឈាមក្រហម និងមានតួនាទីផ្ទុកអុកស៊ីសែន ក៏ដូចជាកាបូនឌីអុកស៊ីត។ ដូច្នេះហើយ យើងចាំបាច់បំពេញជាតិដែកនៅក្នុងរបបអាហារប្រចាំថ្ងៃ ជាមួយនឹង៖

សាច់គ្មានខ្លាញ់៖ សាច់គោ សាច់ចៀម
គ្រឿងក្នុងសត្វ៖ថ្លើម តម្រងនោម
គ្រឿងសមុទ្រ៖ អ័យស្ទ័រ មឹក ក្ដាម
ត្រី៖ ត្រីសាឌីន
បន្លែ៖ ផ្សិត ដំឡូងបារាំងជាមួយសំបក ស្ពៃពួយឡេង គីមឈី
ផ្លែឈើ៖ ផ្លែប៉េសក្រៀម ផ្លែព្រូន ផ្លែទម្លាប់
គ្រាប់ធញ្ញជាតិ៖ គ្រាប់អាល់ម៉ុន គ្រាប់ស្វាយចន្ទី
គ្រាប់ពូជ៖ គ្រាប់ល្ពៅ គ្រាប់ផ្កាឈូករ័ត្ន គ្រាប់ជី។

២. អាហារសម្បូរវីតាមីនB12

ជាមួយគ្នានេះដែរ កង្វះវីតាមីនB12 អាចធ្វើឲ្យការផលិតកោសិកាគ្រាប់ឈាមក្រហមមិនមានប្រសិទ្ធភាព ដែលនាំឲ្យយើងកើតជំងឺស្លេកស្លាំង។ ជាទូទៅ ពពួកអាហារដែលផ្ទុកវីតាមីនB12 មានដូចជាសាច់គ្មានខ្លាញ់ សរីរាង្គសត្វ គ្រឿងសមុទ្រ។ លើសពីនេះ ទឹកដោះគោ ឈីស និងផលិតផលធ្វើពីទឹកដោះគោ ក៏ជាប្រភពនៃវីតាមីនB12 ដែលមិនអាចខ្វះបានដែរ។

៣. អាហារសម្បូរជាតិហ្វូឡេត

ហ្វូឡេត ឬវីតាមីនB9 ជាសារធាតុចិញ្ចឹមមួយផ្សេងទៀត ដែលចាំបាច់សម្រាប់កោសិកាគ្រាប់ឈាមក្រហម។ ដូចទៅនឹងវីតាមីនB12 ហ្វូឡេតមានតួនាទីក្នុងការចម្លងDNA ដែលជាដំណាក់កាលដ៏សំខាន់ក្នុងការផលិតកោសិកាឈាមក្រហមថ្មីៗ។ ជាទូទៅ ហ្វូឡេតផ្ទុកនៅក្នុងអាហាររុក្ខជាតិ និងសាច់សត្វជាច្រើនប្រភេទដែលដូចទៅនឹងជាតិដែក ក៏ដូចជាវីតាមីនB12។ អាហារដែលមានជាតិហ្វូឡេត មានដូចជាសាច់គ្មានខ្លាញ់ សាច់ត្រី គ្រឿងសមុទ្រ ស៊ុត និងអាហារធ្វើពីទឹកដោះគោ។ ចំណែកឯ ពោតបារាំង ខាត់ណាខៀវ ផ្លែបឺរ ត្របែក ក្រូច ស្វាយ ល្ហុង ទទឹម ក៏ដូចជាគ្រាប់ធញ្ញជាតិចម្រុះ សុទ្ធតែជារបបអាហារដែលយើងមិនគួរមើលរំលងឡើយ។

ចំណុចសំខាន់

អាហារសម្បូរជាតិដែក
អាហារដែលសម្បូរវីតាមីនB12
អាហារសម្បូរជាតិហ្វូឡេត

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

អ្នកខ្វះគ្រាប់ឈាមក្រហម អាចសាកល្បងអាហារទាំង ៣ប្រភេទនេះ!

​​១. អាហារ​សម្បូរ​ជាតិ​ដែក​

២. អាហារ​​សម្បូរ​វីតាមីន​B12

៣. អាហារ​សម្បូរ​​ជាតិ​ហ្វូឡេត​

ចំណុចសំខាន់

In Case You Missed It

១. អាហារសម្បូរជាតិដែក

២. អាហារសម្បូរវីតាមីនB12

៣. អាហារសម្បូរជាតិហ្វូឡេត