ក្រោយរៀបការជាមួយ សាន់ឆាយ DJ Koo កាន់តែ...

តៃវ៉ាន់៖ កាលពីថ្មីៗនេះ យោងតាមប្រភពដ៏ល្បីមួយបានបង្ហាញថា លោក Koo Jun Yup (DJ Koo) ដែលត្រូវបានគេស្គាល់ថាជាស្វាមីរបស់ តារាស្រី Barbie Hsu បានបង្ហាញខ្លួននៅលើឆាកនៃពិធីប្រគល់ពានរង្វាន់មួយ ជាមួយនឹងប្អូនថ្លៃស្រីរបស់ខ្លួន ដែលរូបលោក ហាក់កំពុងតែមានភាពល្បីល្បាញម្តងទៀត នៅក្នុងទីផ្សារកម្សាន្តចិន-កូរ៉េ ។

ជាពិសេស តាមប្រភពដដែលនេះ ក៏បានលើកឡើងទៀតថា ភាពល្បីល្បាញរបស់លោក DJ Koo អាចបានដោយសារតែអាពាហ៍ពិពាហ៍របស់ខ្លួន ជាមួយនឹង Barbie Hsu រហូតដល់លោក​ត្រូវ​បាន​អ្នក​សារព័ត៌មាន​ស្វែង​រក ក៏ដូចជា ​ទទួល​បាន​ការ​អញ្ជើញ​ជា​ច្រើន​ឲ្យ​សម្ដែង​នៅក្នុង​កម្មវិធី​នានា ក្រុមហ៊ុន​ផ្សាយ​ពាណិជ្ជកម្ម និង​ស្ថានីយ​ទូរទស្សន៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀ់ត ប្រភព​មួយ​ក្នុង​សិល្បៈកម្សាន្តរបស់​តៃវ៉ាន់ ​បាន​និយាយ​ថា ប្រាក់​ខែ​របស់ Koo Jun Yup គឺ​ចូលខ្ទង់ប្រហែល ១៦ ០០០ ដុល្លារ។ យ៉ាង​ណា​មិញ​ នេះ​គ្រាន់តែជា​តួលេខ ដែល​តារា​ចម្រៀង​ប្រុសរូបនេះ បាន​ស្នើ​ឡើង​ក្នុងកម្មវិធី​ដំបូង ​នៅ​ស្រុក​កំណើត​របស់​ភរិយា។

ហើយបច្ចុប្បន្ននេះ អ្នករៀបចំព្រឹត្តិការណ៍ដែលចង់អញ្ជើញរូបលោក ក៏ត្រូវចំណាយប្រមាណខ្ទង់ ១០០០០០ ដុល្លារក្នុងរយៈពេល១២០ នាទី សម្រាប់ពិធីបុណ្យតន្ត្រីខ្នាតធំ ខណៈដែលនៅក្លឹបរាត្រីគឺ ត្រូវចំណាយប្រមាណជាង ២០០០០ដុល្លារក្នុងរយៈពេល ១២០នាទី ផងដែរ៕

ប្រភព៖ Zingnews

សូមទស្សនារូបភាពខាងក្រោម៖ 

• តារាចិន