កុំឲ្យគេថាSingle! Toey បង្ហើបថាមានស្នេហ៍ថ្មីហើយ

ថៃ៖ ក្រោយពីបានរក្សាភាពលីវមិនមានស្នេហាអស់មួយរយៈមក តារាសម្ដែងស្រី Toey Jarinporn ក៏ត្រូវបានហ្វេនៗតាមដានពីរឿងរ៉ាវផ្ទាល់ខ្លួនជាបន្តបន្ទាប់ ជាពិសេស ក៏ដូចជាបានទន្ទឹងរង់ចាំ ពីដំណឹងនៃការបើកចិត្តទទួលយកអ្នកថ្មី របស់តារាស្រីរូបនេះ។ 

ជាមួយគ្នានេះដែរ មិនបានធ្វើឲ្យហ្វេនៗរង់ចាំយូរទៀតនោះទេ ដោយកាលថ្មីៗនេះ តារាស្រី Toey បានមានឱកាសផ្ដល់បទសម្ភាសន៍ក្នុងកម្មវិធីមួយ ដោយនៅក្នុងនោះ តារាស្រីរូបនេះ បានបង្ហើបថា ពេលនេះ នាងមានអ្នកថ្មីដើម្បីនិយាយជាមួយហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត ក្រោយពីបាន​បិទ​បេះដូងមិនទាន់ទទួលយកអ្នកថ្មី ​អស់​រយៈ​ពេល​២​ឆ្នាំ​មក​នេះ តារាស្រី Toey ក៏បានបង្ហាញទៀតថា នាងនិងអ្នកម្ខាងទៀត កំពុងតែ​ចាប់​ផ្ដើម​រៀន​មើលចិត្ត ដើម្បីឲ្យស្គាល់​គ្នាកាន់តែច្បាស់ផងដែរ។ តែទោះជាយ៉ាងណា តារាស្រីរូបនេះ មិនបានបង្ហើបពីអត្តសញ្ញាណថាតើម្នាក់នោះជាអ្នកណា ឬជាអ្នកនៅក្នុងសិល្បៈជាមួយគ្នានោះទេ៕ 

ប្រភព៖ Kapook

សូមទស្សនារូបភាពខាងក្រោម៖

• តារាថៃ