ការយូរហើយមិនទាន់មានកូន Dome នៅតែផ្អែមល្ហែមជាមួយភរិយា

ថៃ៖ បន្ទាប់ពីបានរៀបការជាមួយគ្នាអស់ប៉ុន្មានឆ្នាំមកនេះ ភាពផ្អែមល្ហែមសម្រាប់គូស្វាមីភរិយា តារាប្រុស Dome Pakorn និងភរិយា Metal នៅតែមានជានិច្ច ព្រមទាំងធ្វើឲ្យហ្វេនៗកាន់តែរំភើបចិត្ត ចំពោះរូបភាពថ្មីចុងក្រោយដែលអ្នកទាំងពីរបានបង្ហាញឡើង។ 

នៅក្នុងនោះដែរ ប្ដីប្រពន្ធតារាប្រុសស្រីមួយគូ បានចេញមកបង្ហាញរូបភាពគូយ៉ាងផ្អែមល្ហែម ក្រោមទេសភាពផ្ទៃសមុទ្រ នៅពេលដែលកំពុងជិះទូកកម្សាន្តយ៉ាងរីករាយជាមួយគ្នា ទៀតផង។ អ្វីដែលគួរឲ្យចាប់អារម្មណ៍នោះគឺ តារាប្រុស Dome បានបង្ហោះពាក្យជាភាសា​អង់គ្លេស​ «Daddy & Wifey» ដែលមានន័យថា លោកប៉ានិងប្រពន្ធ ផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ម៉្យាងវិញទៀត អត្ថន័យមួយនេះ ក៏បានធ្វើឲ្យហ្វេន ​ចង់​ដឹង​ពី​ដំណឹង​ល្អ​របស់អ្នកទាំងពីរ អំពី​ការ​មានអ្នកស្នងត្រកូលឬយ៉ាងណា រហូតដល់មានការបញ្ចេញ​មតិ​អបអរដល់ប្ដីប្រពន្ធគូនេះ ជា​បន្ត​បន្ទាប់​៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ