ទើបសុំរៀបការ ពេលនេះ Air Pantila បញ្ចេញរូបផ្អែមល្ហែម ជាមួយអនាគតស្វាមី

ថៃ៖ ក្រោយពីត្រូវបានគូស្នេហ៍សុំរៀបការរួចមក ពេលនេះ តារាស្រី Air Pantila កាន់តែធ្វើឲ្យហ្វេនៗរំជួលចិត្ត និងបានបង្ហើបពីថ្ងៃរៀបការរបស់ខ្លួន ជាមួយនឹងអានគតស្វាមី នៅថ្ងៃទី១៧ ខែកក្កដា ឆ្នាំ២០២២ ខាងមុខនេះ។

ថ្មីៗនេះដែរ តារាស្រីរូបនេះ ថែមទាំងបើកបង្ហាញរូបភាពរបស់ខ្លួន និងគូស្នេហ៍ ដែលកំពុងតែរៀបចំខ្លួន ក្នុងសម្លៀក​បំពាក់​មង្គល​ការយ៉ាងស្រស់ស្អាតដោយមានជាច្រើនឈុត ដោយនៅក្នុងនោះ Air បានបង្ហើបថា នេះគឺជាការសាកល្បងដំបូង និងចង់សាកល្បងឲ្យបានគ្រប់ស្ទាយ៍ ក៏ដូចជាជ្រើសរើសស្ទាយ៍ដែលស្អាតបំផុត និងមានភាពសាកសមសម្រាប់នាងនិងគូស្នេហ៍ ទៀតផង។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នេះគឺជាដំណឹងល្អថ្មីមួយសម្រាប់តារាស្រីរូបនេះ និងគូស្នេហ៍របស់ខ្លួន និងកំពុងធ្វើឲ្យហ្វេនៗអបអរសាទរ ដល់អ្នកទាំងពីរ ដែលត្រៀមខ្លួនសាងគ្រួសារថ្មី ផងដែរ៕

ប្រភព៖ Sanook

សូមទស្សនារូបភាពខាងក្រោម៖ 

• តារាថៃ