ភ្នំពេញ៖ ខ្សែភាពយន្តខ្មែររឿង «លោកប៉ាមហាកូរ» ដែលជាស្នាដៃរបស់ផលិតកម្ម LD Entertainment Co.,LTD. បានធ្វើការសម្ពោធជាផ្លូវការ ក្នុងកម្មវិធីមហោស្រពភាពយន្តអន្តរជាតិកម្ពុជាលើកទី១១ កាលពីថ្ងៃទី០២ ខែកក្កដា ឆ្នាំ២០២២ កន្លងទៅថ្មីៗនេះ។
នៅក្នុងកម្មវិធីសម្ពោធផ្ទាល់ ក៏មានវត្តមាននាយកប្រតិបត្តិក្រុមហ៊ុន Mediaload គឺលោក អ៊ិន វិចិត្រ បានចូលរួមជាភ្ញៀវកិត្តិយស។ ហើយក៏គួរអោយដឹងផងដែរថា សម្រាប់ខ្សែភាពយន្តនេះទៀតសោត ក្រុមហ៊ុន Mediaload ក៏បានចូលរួមជាសហផលិតករជាមួយខាង LD Entertainment Co.,LTD. ផងដែរ។ ក្រៅពីវត្តមានរបស់ភ្ញៀវកិត្តិយស ក្នុងនោះក៏មានតួអង្គដែលបានសម្តែងនៅក្នុងខ្សែភាពយន្តផ្ទាល់ ចូលរួមក្នុងកម្មវិធីយ៉ាងកុះករ។
បើងាកមកចាប់អារម្មណ៍ទៅលើសាច់រឿង «លោកប៉ាមហាកូរ» វិញ ឃើញថា គ្រាន់តែបញ្ចេញវីដេអូ Trailer នៅលើបណ្តាញសង្គមភ្លាម ទទួលបានសន្ទុះគាំទ្រពីសំណាក់ហ្វេនៗភ្លែតតែម្តង ដោយសាច់រឿងមានភាពកំប្លុកកំប្លែងគួរអោយចង់ទស្សនា។
ដូច្នេះត្រៀមៗណា៎! ខ្សែភាពយន្តរឿង «លោកប៉ាមហាកូរ» នឹងចាក់បញ្ចាំងនៅគ្រប់រោងភាពយន្តទាំងអស់ ចាប់ពីថ្ងៃ២១ ខែកក្កដា ឆ្នាំ២០២២ ខាងមុខនេះ៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក តារា & កម្សាន្ដ និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
