ថ្មីៗនេះ កម្ពុជារកឃើញ អូមីក្រុងប្រភេទថ្មី BA4 និងBA5 លទ្ធភាពឆ្លងលឿនជាងមុន

រាជធានីភ្នំពេញ ៖ ពិតណាស់ កម្ពុជាបានរកឃើញ ករណីឆ្លងជំងឺកូវីដសាជាថ្មីម្តងទៀត ក្រោយស្ងប់ស្ងាត់មួយរយៈធំ ចាប់តាំងពីថ្ងៃទី ២៨ មិថុនា ក្នុងនោះគ្រូពេទ្យជំនាញក៏ រកឃើញជំងឺអូមីក្រុងប្រភេទថ្មី BA4 និង BA5 ដែលមានលទ្ធភាពឆ្លងលឿនជាងមុន។

លោកជំទាវ ឱ វណ្ណឌីន អ្នកនាំពាក្យក្រសួងសុខាភិបាល បញ្ជាក់ថា ការឆ្លងអូមីក្រុងថ្មីនេះ​ ធ្វើឱ្យអ្នកជំងឺ ​ឈានទៅភាពធ្ងន់ធ្ងរ ប្រសិនបើមិនមាន​វ៉ាក់សាំង​ការពារខ្លួន ​និងមិនអនុវត្តតាមនិតិវិធីព្យាបាល ព្រមទាំងការការពារខ្លួនបានត្រឹមត្រូវទេនោះ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោកជំទាវ បានបន្តថា ចំពោះអ្នកជំងឺឆ្លងអូមីក្រុងបំប្លែងថ្មី BA4 និងBA5 នេះ គឺមានរោគសញ្ញាមិនខុសប្លែកគ្នាពី ប្រភេទកូវីដ ​ជំនាន់មុនៗនោះទេ។ ​រោគសញ្ញាមានដូចជា ក្ដៅខ្លួន ក្អក ឈឺបំពង់ក ហៀរសំបោរ មានភាពស្រដៀងទៅនឹងជំងឺផ្ដាសាយធម្មតា។

ជាចុងក្រោយ លោកជំទាវ ផ្តាំថា កូវីដ-១៩ មិនទៅណាឆ្ងាយនោះទេ គឺទាមទារការការពារខ្លួន និង​ជាពិសេសគឺទៅទទួលយកការចាក់វ៉ាក់សាំងទាំង​ដូសមូលដ្ឋាន និងដូសជំរុញ​ឱ្យ​បាន​ត្រឹមត្រូវ​៕

ប្រភព ៖ BTV news

• ជីវិត
• រូបភាព