ក្រសួងហាមយានយន្តគ្រប់ប្រភេទ ចរាចរលើផ្លូវល្បឿនលឿន សង់មិនទាន់រួច ក្រោយកើតគ្រោះ.ថ្នាក់ញឹកញាប់

រាជធានីភ្នំពេញ ៖ ក្រសួងសាធារណការ និងដឹកជញ្ជូន ហាមមិនឱ្យយានយន្តគ្រប់ប្រភេទ ធ្វើចរាចរនៅលើផ្លូវល្បឿនលឿន ដែលសាងសង់មិនទាន់រួចរាល់ជាស្ថាពរ។ 

ក្នុងសេចក្តីជូនដំណឹងរបស់ក្រសួង ចុះនៅថ្ងៃទី១២ ខែកក្កដា នេះ បានបញ្ជាក់ថា ដើម្បីចៀសវាងការរំខានដល់ដំណើរការសាងសង់បញ្ចប់គម្រោង និងចៀសវាងការបង្កគ្រោះថ្នាក់ក្នុងការធ្វើដំណើរ ក្រសួង បានសម្រេចឱ្យក្រុមហ៊ុនសាងសង់បិទគ្រប់ច្រកចេញ-ចូល ដោយមិនអនុញ្ញាតឱ្យយានយន្ត ចូលប្រើផ្លូវល្បឿនលឿន ក្រៅពីយានយន្តដែលបម្រើឱ្យគម្រោង និងយានយន្តមានតម្រូវការចាំបាច់ ដែលមានការអនុញ្ញាតពីក្រសួងនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរថា ការហាមនេះ ធ្វើឡើងក្រោយមានគ្រោះថ្នាក់ចរាចរជាច្រើនករណី នៅលើផ្លូវល្បឿនលឿន ជាពិសេសគ្រោះថ្នាក់ចរាចរកាលពីថ្ងៃទី១១ ខែកក្កដា ម្សិលមិញ៕

ប្រភព ៖ Fresh News

• ជីវិត
• រូបភាព