មិននឹកស្មាន ជីវិតអាពាហ៍ពិពាហ៍ អតីតនាយករដ្ឋមន្រ្តីជប៉ុន Shinzo Abe មិនមានកូនតែ ភក្តីភាពយ៉ាងនេះ

ជប៉ុន៖ នៅលើបណ្តាញសង្គមហ្វេសប៊ុក បានធ្វើការចែកចាយ ទៅនឹង អត្ថបទមួយ ដែលបានរំលឹក ទៅនឹង ជីវិតអាពាហ៍ពិពាហ៍ មានអាយុកាល ជាង ៣ ទសវត្សរបស់ អតីតនាយករដ្ធមន្រ្តី Shinzo Abe និង ភរិយា បានមានការការស្ងប់ស្ងែង ពីសំណាក់មហាជន គ្រប់គ្នា។

តាមរយៈអត្ថបទដែលគេ បានចែករំលែកនោះ អ្នកស្រី Akie Abe កើតឆ្នាំ ១៩៦២ ដែលជាភរិយារបស់ លោក មានអាយុតិចជាងស្វាមី ៨ ឆ្នាំ  បានកើតចេញពីគ្រួសារអ្នកមាន ដោយមានបិតា ជាប្រធានក្រុមហ៊ុន Morinaga & Co គឺជាក្រុមហ៊ុនមួយក្នុងចំណោមក្រុមហ៊ុនស្ករគ្រាប់ធំជាងគេបំផុតជប៉ុន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានេះដែល សំណេរមួយនេះ បានដកស្រង់ពាក្យសម្តីរបស់ ភរិយរបស់លោកថា កាលណាត់ជួបដំបូង របស់អ្នកទាំងពីរ បានចេញទៅក្រៅញាំអីពេលយប់បែបសាមញ្ញដូចគូស្នេហ៍ទូទៅ មិនត្រឹមតែប៉ុណ្នោះ អ្នកស្រី បានស្ងើចសរសើកាលជួបប្តីលើកដំបូង ថាលោក Shinzo Abe គឺជាមនុស្ស កំប្លែង ចូលចិត្តរីករាយ ប៉ុន្តែចាស់ទុំ និងមានចំណេះដឹងជ្រៅជ្រះ​ សមជាអ្នកចេះដឹង ។

បន្ថែមពីនេះ គេបានដឹងថា អតីតនាយករដ្ធមន្រ្តី Shinzo Abe បានរៀបការនៅឆ្នាំ ១៩៨៧ តែជាអកុសល លោកទាំងពីរ មិនមានកូននោះទេ។ តែទោះជាយ៉ាងណា ដំបូងពួកលោក ក៏ទៅបានព្យាបាលសេវាកម្មអត់កូនផងដែរ ក៏ប៉ុន្តែវាហាក់បីដូចជាមិនជោគជ័យ។

យ៉ាងណាមិញ ពេលវេលាចេះតែកន្លងទៅ ការពពោះសម្រាប់អ្នកស្រី កាន់តែជួបការលំបាកដោយសារអាយុកាន់តែច្រើន ថ្វីត្បិតដូច្នេះមែន លោក Shinzo Abe ក៏មានគំនិតផ្តល់យោបល់ ប្រាប់ថា គួរតែទទួលកូនចិញ្ចឹម ប៉ុន្តែអ្នកស្រី បានបដិសេធ ជាមួយនឹងការមានទំនួសខុសត្រូវ ពីព្រោះមិនមានទំនុកចិត្តចិញ្ចឹមបីបាច់អោយបានត្រឹមត្រូវ ។

ទៀតសោត ក្នុងការផ្តល់បទសំភាសន៍មួយអ្នកស្រី Akie Abe បានលើកឡើងថា អ្នកស្រី និងប្តីអ្នកស្រី សុខចិត្តទទួលស្គាល់ការពិត ថានឹងអ្នកទាំងពីរមិនមានកូន ដូច្នេះអ្វីៗ ជាវាសនាអ្នកកំណត់ ដូច្នេះអ្នកស្រីត្រូវទទួល ជាក់ស្តែងអ្នកស្រីបានរៀបការជាមួយអ្នកនយោបាយ ហើយស្វាមីបានក្លាយជានាយករដ្ធមន្ត្រី នេះហើយជាមោទនភាពរបស់អ្នកស្រី។

ជារួមមក ទោះបីគូស្វាមីភរិយា របស់លោក Shinzo Abe មិនមានកូនក្នុងរយះពេល ៣៥ ឆ្នាំប៉ុន្តែ រូបលោក នៅតែងតែស្រលាញ់ភរិយាដូចថ្ងៃដំបូង។ ចេញក្រៅនាយករដ្ធមន្ត្រី Shinzo Abe គឺជាថ្នាក់ដឹកនាំម្នាក់អស់ពីចិត្តស្នេហាជាតិដើម្បីប្រជាជន ដើម្បីជាតិ ពេលត្រលប់ដល់ផ្ទះគឺជាប្តីម្នាក់ស្រលាញ់អាណិតប្រពន្ធអស់កម្រិត ដែលធ្វើឲ្យ ពិភពលោកមិនត្រឹមតែបាត់បង់អ្នកដឹកនាំដ៍អស្ចារ្យថែមទាំងបាត់បង់បុរសពិតម្នាក់ ពិតជាគួរសោកសង្រេកជាពន់ពេក។

ប្រភព៖ IVF Tâm Anh

សូមទស្សនារូបភាពខាងក្រោម៖