មិននៅស្ងៀម អតីតស្វាមី Zhao Liying ចេញប្ដឹ..ងបកដល់ជនបង្ខូចឈ្មោះថាជា.....

ចិន៖ ថ្មីៗនេះ តារាសម្តែងចិន លោក Feng Shaofeng ត្រូវគេស្គាល់ថា ជាអតីតស្វាមីតារាស្រី Zhao Liying បានឈ្នះនៅក្នុងការកាត់ក្តី ថ្មីៗនេះ ចំពោះអ្នក​ដែល​ផ្សព្វផ្សាយ​ពាក្យ​ចចាមអារ៉ាម​ ព្រមទាំងតម្រូវឲ្យ​សុំទោស និង​សង​សំណង។

ក្នុងនោះដែរ ខាងតុលាការនៅទីក្រុងប៉េកាំង បានលើកឡើងថា អ្នកដែលបង្ហោះរឿងរ៉ាវអំពីតារាប្រុសល្បីម្នាក់ ដែលមានទំនាក់ទំនងស្នេហា និងធ្វើឲ្យប្រពន្ធសម្រេចចិត្តលែងលះនោះ គឺមិនមានភស្តុតាងពិតប្រាកដអំពីព័ត៌មានដែលបាន​បង្ហោះនោះទេ។ ដូច្នេះ ទង្វើ​ផ្សព្វផ្សាយ​ពាក្យ​ចចាមអារ៉ាមមិនពិត ដែលធ្វើ​ឲ្យ​ខូច​កេរ្តិ៍ឈ្មោះ​អ្នក​ដទៃ​យ៉ាង​ធ្ង.ន់.ធ្ងរ ខាងតុលាការ​ បាន​បង្គាប់​ឱ្យ​ជន​នេះ​ សង​សំណង​ដល់​ដើម​ចោទ (លោក Feng Shaofeng) ចំនួន ៥០,០០០ យន់ (ប្រហែលជាង ៧ពាន់ ដុល្លារ​អាមេរិក)។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នៅក្នុងសវនាការមួយ ខាងតុលាការ ក៏បាននិយាយទៀតថា ទោះបីជា មិនបានដាក់ឈ្មោះ លោក Feng Shaofeng ឬ Zhao Liying ក៏ដោយ ប៉ុន្តែអត្ថបទនេះ បានធ្វើឱ្យមនុស្សជាច្រើនមានការប៉ាន់ស្មានមិនសមរម្យ និងធ្វើឱ្យខូចកិត្តិយស របស់តារាសម្ដែងប្រុសរូបនេះ៕

ប្រភព៖ Ngoisao.net

សូមទស្សនារូបភាពខាងក្រោម៖ 

• តារាចិន