ហាយសូរមិនណយ! ស្ងាត់ៗ រចនា រ៉ាវ៉ាឌី ហោះទៅដល់ឌូបៃ

ឌូបៃ៖  ពិតណាស់ រចនា រ៉ាវ៉ាឌី ជាតារាសម្ដែងស្រីដែល កំពុងទទួលបានសន្ទុះនៃការគាំទ្រយ៉ាងខ្លាំង ក្រោយពីរូបនាងបានលេចមុខសម្ដែងក្នុងខ្សែភាពយន្តភាគជាច្រើនរឿងមក ជាមួយនឹងទេពកោសល្យដ៏ប៉ិនប្រសប់បត់បែន បញ្ចូលអរម្មណ៍ឲ្យអ្នកទស្សនាស្លុងចិត្តជាមួយផងនោះ។  

លើសពីនេះ អ្វីដែលមហាជនក៏ដូចជាអ្នកគាំទ្រតែងតែសរសើរមិនផុតពីមាត់នោះ បើនិយាយពីការតែងខ្លួនរបស់ រ៉ាវ៉ាឌី ពេលនេះ អាននិយាយបានថា នាងកាន់តែស្អាតប្លែកពីមួយថ្ងៃទៅមួយថ្ងៃ បើទោះបីជាកាលអំឡុងពេលចូលសិល្បៈដំបូងៗ នាងធ្លាប់មានគេបង្អាប់ថាមានសម្លេងដូចសត្វឆ្មា រូបរាងមិនស្អាត មិនសមធ្វើតួកុនយ៉ាងណាក៏ដោយ។    

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង មួយរយៈចុងក្រោយនេះ​ គេសង្គេតឃើញ តារាស្រីរះឡើងត្រដែតរូបនេះ ហាក់មានរូបសម្រស់កាន់តែស្អាតក្មេងជាងវ័យ ជាពិសេសលេងខ្លួនហាយសូមិនធម្មតានោះទេ។ ជាងនេះទៅទៀត តារាស្រីរូបនេះមួយរយៈនេះថែមទាំងបានធ្វើដំណើរទៅក្រៅប្រទេសញឹកញាប់ទៀតផង ដោយកាលពីប៉ុន្មានសប្តាហ៍មុន នាងបានទៅកម្សាន្តនៅឯប្រទេសថៃ ចំណែកឯថ្មីៗនេះ នៅលើគណនីInstagram របស់នាងបង្ហោះរូបភាពជាច្រើនសន្លឹកនៅឯប្រទេសឌូបៃ បង្ហាញខ្លួនជាមួយនឹងរូបរាងដ៏ខ្ពស់ស្រឡះ ការរៀបចំខ្លួនបែបហ្វេសសិន អមនិងអគារខ្ពស់ៗទៀតនោះ មើលទៅ រ៉ាវ៉ាឌី ពិតជាឡូយមែនទែន៕

សូមទស្សនារូបភាពខាងក្រោម៖

• តារាខ្មែរ